فيصل آباد (ويب ڊيسڪ)پاڪستان ڏکڻ آفريڪا کي ٽئين ون ڊي ۾ 7 وڪيٽن تان شڪست ڏئي ٽن ميچن جي سيريز 1-2 سان کٽي ورتي.فيصل آباد جي اقبال اسٽيڊيم ۾ کيڏيل سيريز جي فيصلي واري ميچ ۾، مهمان ٽيم ٽاس کٽي بيٽنگ جو فيصلو ڪيو.ڏکڻ آفريڪا جو پهرين بيٽنگ جو فيصلو فائديمند ثابت نه ٿيو ۽ پوري ڏکڻ آفريڪا ٽيم 37 هين اوور ۾ 143 رنسن تي آئوٽ ٿي وئي.ڏکڻ آفريڪا لاءِ ڪوئنٽن ڊي ڪوڪ 53 رنسون ۽ جوهان ڊي پريٽوريز 39 رنسون ٺاهيون. پيٽر ۽ ميٿيو برٽزڪي هر هڪ 16 رنسون ٺاهيون.پاڪستان لاءِ ابرار احمد 4 وڪيٽون، شاهين آفريدي، سلمان آغا ۽ محمد نواز 2-2 وڪيٽون ورتيون.پاڪستان 26 هين اوور ۾ 3 وڪيٽن جي نقصان تي 144 رنسن جو آسان هدف حاصل ڪيو.پاڪستان لاءِ صائم ايوب 77 ۽ بابر اعظم 27 رنسون ٺاهيون. محمد رضوان 32 ۽ سلمان آغا 5 رنسن تي ناٽ آئوٽ رهيا.سيريز جي پهرين ميچ ۾، پاڪستان مهمان ٽيم کي 2 وڪيٽن تان شڪست ڏني، جڏهن ته ٻئي ون ڊي ۾، ڏکڻ آفريڪا گرين شرٽس خلاف 8 وڪيٽن تان فتح حاصل ڪئي.
