پشاور (ويب ڊيسڪ)قومي ٽيم جي وڪيٽ ڪيپر بيٽسمين محمد رضوان نيوزيلينڊ خلاف ٽي ٽوئنٽي سيريز ۾ ون ڊائون نه کيڏڻ جي خبرن جي ترديد ڪري ڇڏي.پاڪستان ۽ نيوزيلينڊ وچ ۾ 5 ٽي ٽوئنٽي ميچن تي ٻڌل سيريز جي پهرين ميچ 18 اپريل تي کيڏي ويندي جڏهن ته سيريز جي آخري ميچ 27 اپريل تي لاهور ۾ کيڏي ويندي.پاڪستان ۽ نيوزيلينڊ وچ ۾ ايندڙ مهيني شروع ٿيندڙ سيريز جي حوالي سان گذريل ڪجهه ڏينهن کان سوشل ميڊيا ۽ ميڊيا تي محمد رضوان بابت خبرون گردش ڪري رهيون هيون ته رضوان نيوزيلينڊ خلاف سيريز ۾ ون ڊائون پوزيشن ۾ کيڏڻ کان انڪار ڪري ڇڏيو آهي.هاڻ ان حوالي سان محمد رضوان جو بيان سامهون آيو آهي، جنهن ۾ هن انهن سمورن خبرن جي ترديد ڪندي چيو آهي ته کيس نيوزيلينڊ خلاف سيريز ۾ ون ڊي وڃڻ کان منع ناهي ڪئي وئي.وڪيٽ ڪيپر بيٽسمين چيو ته هو قومي ٽيم جي مفاد لاءِ هر ڪردار ادا ڪرڻ لاءِ تيار آهي ۽ وڪيٽ ڪيپنگ به ڇڏي ڏيان ٿو.
