لاهور (ويب ڊيسڪ)پاڪستان ٽي 20 ٽيم جي نوجوان فاسٽ بالر سلمان مرزا جو چوڻ آهي ته مان پليئنگ يارهن ۾ هجان يا نه، مان سٺي ڪارڪردگي ڏيکارڻ جي ڪوشش ڪندو آهيان ۽ پوءِ جڏهن منهنجي ميچ وننگ ڪارڪردگي هوندي آهي ته مزو ٻيڻو ٿي ويندو آهي.لاهور ۾ ڏکڻ آفريڪا خلاف کيڏيل ٻئي ٽي 20 ۾ ميچ وننگ ڪارڪردگي ڏيکاريندڙ سلمان مرزا هڪ پريس ڪانفرنس ۾ چيو ته مان هميشه ڪوشش ڪندو آهيان ته جڏهن به موقعو ملندو آهي ۽ ڪوچز پاران ڏنل پلان مطابق ڪارڪردگي ڏيکاريندو آهيان.سلمان مرزا چيو ته مان اڄ جي ڪارڪردگي پنهنجي ماءُ کي وقف ڪريان ٿو، جن جي دعائن جي ڪري مان هن مقام تي پهتو آهيان.فاسٽ بالر چيو ته توهان ڪٿي به راند ڪري رهيا آهيو، جڳهه جو ڪو به دٻاءُ ناهي، جڏهن توهان زمين تي قدم رکو ٿا، ته توهان اندازو لڳائي سگهو ٿا ته توهان کي ڪهڙي قسم جي بالنگ ڪرڻي آهي.
