لاهور)ويب ڊيسڪ) پاڪستاني ڄائي اسڪاٽش وومين ڪرڪيٽر نيما شيخ اسڪاٽلينڊ نيشنل اسپورٽس اسڪالرشپ حاصل ڪندڙ پهرين ڪرڪيٽر بڻجي وئي آهي.ڪرڪيٽ اسڪاٽلينڊ جي مطابق، نيما شيخ کي وننگ اسٽوڊنٽس 100 اسڪاٽلينڊ نيشنل اسپورٽس اسڪالرشپ لاءِ چونڊيو ويو آهي، جنهن سان هو اسڪالرشپ حاصل ڪندڙ پهرين اسڪاٽش ڪرڪيٽر بڻجي وئي آهي.ڪرڪيٽ اسڪاٽلينڊ جو چوڻ آهي ته اسڪاٽلينڊ جي راندين ۾ 1,700 کان وڌيڪ شاگرد رانديگرن جي مدد ڪئي پئي وڃي. اسڪالرشپ ايٿليٽس کي تعليمي قابليت جي بنياد تي فراهم ڪئي ويندي آهي، جيڪا انهن کي ڪاميابي سان اڳتي وڌڻ ۾ مدد ڪندي آهي.ڪرڪيٽ اسڪاٽلينڊ جي مطابق، نيما شيخ گلاسگو يونيورسٽي ۾ اڪائونٽنسي ۽ فنانس جي تعليم حاصل ڪري رهي آهي. هن ڀيري، نيما شيخ سميت 105 شاگرد رانديگرن کي اسڪالرشپ ۾ شامل ڪيو ويو آهي. 31 مختلف شعبن جي رانديگرن کي تعليم سان گڏ راندين ۾ پنهنجا مقصد حاصل ڪرڻ ۾ مدد ڪئي ويندي. ان حوالي سان، نيما شيخ جو چوڻ آهي ته اهو منهنجي لاءِ اعزاز جي ڳالهه آهي ته مان مرد ۽ عورت ٻنهي مان پهرين ڪرڪيٽر آهيان. هن اسڪالرشپ ذريعي، مون کي راندين ۽ پڙهائي ۾ اڳتي وڌڻ جو موقعو ملندو.
