ڪراچي (اسٽاف رپورٽر) سنڌ جي گهرو وزير ضياءُ الحسن لنجار جي صدارت هيٺ صوبي ۾ امن امان جي صورتحال ۽ ٽريفڪ مئنيجمينٽ اينڊ ريگيوليٽري سسٽم بابت اهم اجلاس ٿيو.اجلاس کي خطاب ڪندي گهرو وزير ضياءُ الحسن لنجار چيو ته صوبي ۾ امن امان قائم رکڻ ۽ شهرين جي جان ۽ مال جو تحفظ حڪومت جو بنيادي مقصد آهي.هن چيو ته سنڌ ۾ امن امان جي صورتحال بهتر بڻائڻ لاءِ اثرائتا قدم کنيا پيا وڃن، جڏهن ته شهرين جي تحفظ ۽ ڏوهن جي روڪٿام لاءِ سڄي سنڌ ۾ سيف سٽي منصوبي کي وڌيڪ وڌايو ويندو.گهرو وزير لاڳاپيل اختيارين کي هدايت ڪئي ته امن امان جي صورتحال ۽ ٽريفڪ نظام کي بهتر بڻائڻ لاءِ گڏيل حڪمت عملي جوڙي وڃي.
