ممبئي (ويب ڊيسڪ)بالي ووڊ جي مشهور اداڪارا ڪاجول پنهنجي هٽ فلم ’بازيگر‘ جي رليز جي 30هين سالگرهه جي موقعي تي هڪ خاص پوسٽ شيئر ڪئي آهي.ڪاجول فلم بازيگر جي سيٽ تي ورتيون ڪجهه يادگار تصويرون فوٽو ۽ وڊيو شيئرنگ ايپ انسٽاگرام تي شيئر ڪيون آهن.اهي تصويرون شيئر ڪندي هن ڪيپشن ۾ لکيو ته فلم بازيگر کي رليز ٿيندي 30 سال ٿي ويا آهن، هن فلم جي سيٽ تي پهريون ڀيرو ڪيترن ئي ماڻهن سان ملاقات ڪئي، مان پهريون ڀيرو سروشي سان ملي، ان فلم ۾ ڪم ڪيو. هن فلم جي سيٽ تي پهريون ڀيرو شاهه رخ خان سان ملاقات ڪئي، ان فلم دوران انو ملڪ سان پهريون ڀيرو ملاقات ٿي ۽ جڏهن هن فلم جي شوٽنگ شروع ٿي ته منهنجي عمر 17 سال هئي.اداڪارا لکيو ته شوٽنگ دوران عباس ڀائي ۽ مستن ڀائي مون سان پسنديده ٻار وانگر سلوڪ ڪيو ۽ مان زيويئر ٿامس، جاني ليور ۽ شلپا شيٽي کي ڪيئن وساري سگهان ٿو.هن لکيو ته فلم ۾ تمام گهڻيون يادون ۽ نان اسٽاپ کلڻ شامل آهن.ڪاجول پنهنجي پوسٽ جي آخر ۾ لکيو ته هن فلم جو هر گيت ۽ ڊائلاگ اڄ تائين منهنجي چهري تي مسڪراهٽ آڻيندو آهي.
