ڪابل (ويب ڊيسڪ)افغانستان جي راڄڌاني ڪابل ۾ هڪ مدرسي ۾ آپگهاتي ڌماڪو ٿيو آهي، جنهن جي نتيجي ۾ افغان مدرسي جو ڊائريڪٽر رحيم الله حقاني مارجي ويو آهي. افغان اختيارين تصديق ڪئي آهي ته افغان مدرسن جو ڊائريڪٽر شيخ رحيم الله حقاني آپگهاتي حملي ۾ مارجي ويو آهي. افغان اختيارين موجب ڌماڪي ۾ مارجي ويلن جو حتمي انگ اڃا تائين معلوم ناهي ٿي سگهيو. نيوز ايجنسي موجب ڌماڪي جي ذميواري اڃا تائين ڪنهن به گروپ قبول نه ڪئي آهي.
