ڪراچي(ويب ديسڪ) هالي ووڊ جي هيرو چيڊوڪ بوسمين کي وفات بعد گولڊن گلوب ايوارڊ سان نوازيو ويو. هو 43 سالن جي ڄمار ۾ گذريل سال ڪينسر سبب فوت ٿي ويو هو. ڪورونا سبب آسڪر ايوارڊ بعد دنيا ۾ اهم ايوارڊ سمجهيو ويندڙ گولڊن گلوب جي تقريب آن لائن منعقد ڪئي وئي جنهن جي ميزباني امريڪا جي ٻن شهرن مان ڪئي وئي. 78هين فلم ايوارڊ جي تقريب ۾ بهترين اداڪار جو ايوارڊ چيڊوڪ بوسمين کي ڏنو ويو. کيس اهو ايوارڊ زندگي جي آخري فلم ‘ماريني بليڪ بوٽم’ تي ڏنو ويو. جيتوڻيڪ هن بليڪ پينٿر جهڙن ڪيترن ڪامياب فلمن ۾ بهترين اداڪاري ڪئي پر هن کي هي ايوارڊ نه ڏنو ويو هو. کيس ڏنل ايوارڊ سندس بيواهه وصول ڪيو.
