مقصودو رند(ن سنڌيار) مقصودو رند ۾ جشن آزادي ڪرڪيٽ ٽورنامينٽ جي ستين ميچ ۾ متارو رند اليون ۽ ماڻو جمالي اليون آمھون سامھون ٿيون. ماڻو جمالي اليون ٽاس کٽي پھرين بيٽنگ جو فيصلو ڪيو ۽ مقرر 15 اوورن ۾ 5 وڪيٽن جي نقصان تي 151 رنسون ٺاهيون. صابر شاندار بيٽنگ ڪندي 61 رنسون ٺاهيون. جواب ۾ متارو رند اليون اسد علي جي 32 رنسن جي مدد سان 152 جو ٽارگيٽ 8 وڪيٽن جي نقصان تي حاصل ڪري ورتو. متارو رند اليون جي بالر عمران اسماعيل کي علائقائي ڪرڪيٽ تنظيم جي چيئرمين حاجي راحب علي رند مين آف دي ميچ جو ايوارڊ ڏنو.
