سارين جو امدادي اگهه ڪير مقرر ڪندو؟عبدالمجيدبروهي

هن وقت وفاقي حڪومت نه ڄاڻ ڪهڙن خيالن ۾ گم آهي هن کان هر شيء وسري وئي آهي هنن جيڪي هارين آبادگارن سان وعدا ڪيا هئا پڻ هي وساري چڪا آهن سياسي طور هنن ٻن سالن ۾ هي وفاقي حڪومت مڪمل طور تي نااهل ۽ ناڪام بڻجي چڪي آهي. هن وقت تائين هنن جي طرز حڪمراني مان اپوزيسن وارا ملڪ جو عوام ته مايوس آهي پر هنن جا پنهنجا ساٿي ۽ هنن جي پي ٽي آء جا اڳواڻ ۽ ڪارڪن پڻ مايس آهن هنن جي حڪمراني مان عوام وٽ هنن جو گراف ڏينهون ڏينهن ڪرندو پيو وڃي هن وقت تائين مختلف ادارن جا ملازم هنن خلاف روڊن تي نڪري چڪا آهن جيڪي ڪنهن به پارٽي ۽ سياسي اڳواڻ جي پٺڀرائي بنا پنهنجو احتجاج رڪارڊ ڪرائي هنن حڪمرانن مان بيزاري نامو ڏيندا پيا اچن. پي ٽي آء حڪومت پنهنجي منشور ۾ جيڪي واعدا ۽ منشور ۾ جيڪو ڪجھ لکيو هو انهن مان هي سڀني تان ڦري ويا آهن. هنن پنهنجي منشور ۾ لکيو هيو ته سائينجن ملڪ جي عوام کي قرضن مان نجات ڏياريندا ۽ ملڪ جي هارين ۽ آبادگارن کي خوشحال ڪندا سندن جا قرض معاف ڪندا زمينن تي لڳندڙ ٻيڄاري ۽ يوريا ڀاڻ ۽ ڊي اي پي ڀاڻ تي ۽ زرعي دوائن تي کين سبسڊي ڏيندا هارين ۽ آبادگارن کي سستي اگهه تي زرعي اوزار ٽريڪٽر ۽ مشينون ڏياريندا پر اهي سڀ واعدا هن وقت تائين وفا نه ٿي سگھيا، ويتر ئي يوريا ۽ ڊي اي پي ڀاڻ جي اگھن ۾ اضافو ٿيندو پيو وڃي هن وقت ڪڻڪ جي پوکائي جو عمل شروع ٿيڻ وارو آهي جنهن سبب ڪڻڪ جو ٻيڄارو هن وقت تمام مهانگي اگھن تي مارڪيٽ ۾ وڪرو ڪيو پيو وڃي ان کان علاوا يوريا ۽ ڊي اي پي ڀاڻ پڻ مهانگي اگھن تي وڪرو ٿي رهيو آهي هر طرف کان هارين کي لٽيو ۽ ڦريو پيو وڃي پر پوء به حڪومت خاموش آهي ڪنهن کي ڪير به ڪجهه چوڻ لاء تيار نه آهي يوريا ۽ ڊي اي پي ڀاڻ وڪرو ڪندڙن ۽ ڪڻڪ جو ٻيڄارو وڪرو ڪندڙن کي کليل ڇوٽ مليل آهي جنهن سبب اهي پنهنجي من پسند اگھن تي هارين کي لٽي ۽ ڦري رهيا آهن ان کان علاوا وفاقي حڪومت پاران هن وقت ، وقت کان اڳ ۾ ڪڻڪ جي امدادي اگھن جو اعلان ڪيو ويو آهي ڪڻڪ جي امدادي اگهه ۾ صرف ٻه سئو روپيا اضافو ڪريو هارين سان ظلم ڪيو پيو وڃي هن وقت هر شيء جا اگهه چوٽ چڙهيل آهن عام واهپي جي شين جا اگهه پنجوڻ تي وڌي ويا آهن دوائون پڻ مهانگيون ٿينديون پيون وڃن. پر پوء به ڪڻڪ جي اگھن ۾ صرف ٻه سئو روپيا اضافو ڪري وفاقي حڪومت هارين سان ظلم ڪري رهي آهي. هتي آء سلام پيش ڪريان ٿو سنڌ جي عوامي حڪومت کي جنهن پنهنجي پارٽي جي منشور تي هلندي پنهنجن ووٽر سان واعدا جيڪي هنن ڪيا هيا هارين آبادگارن سان جيڪي واعدا سنڌ حڪومت ڪيا هيا انهن واعدن کي پاڙيندي سنڌ جي عوامي حڪومت پاران وفاق جي اعلانن کي مسترد ڪندي هنن پاران سنڌ ۾ ڪڻڪ جي امددي اگهه کي وڌائي في مڻ 2000 هزار روپيا مقرر ڪري ڇڏيو آهي جنهن سان سنڌ جاهاري ۽ آبادگار تما م خوش آهن جڏ هن ته وفاق جي اعلان تي ان عمل خلاف خلاف هن وقت تائين ٻئي ڪنهن سياسي اڳواڻ ته آواز ناهي اٿاريو پر هتي وفاقي حڪومت جي پنهنجي ئي اهم اتحادي پارٽي ق ليگ جي مرڪزي اڳواڻ ۽ پنجاب اسيمبلي جي اسپيڪر چوڌري پرويز الاهي وفاقي حڪومت پاران ڪڻڪ جي وڌايل ٻه سئو روپيا في مڻ واري اعلان کي هارين سان مذاق قرار ڏيندي ان کي ظلم جي انتها قرار ڏيندي، حڪومت کان گھر ڪئي آهي ته ڪڻڪ جو امدادي اگهه گھٽ ۾ گھٽ ٻه هزار روپيا في مڻ سرڪاري اگهه مقرر ڪيو وڃي ته جيئن هارين کي ڪجهه رليف ملي سگھي حڪومت پاران اعلانيل ريٽ سان ته هارين جو ڪيل خرچ به نه نڪرندو ۽ هاري آبادگار مجبور ٿي ڪڻڪ جي پوکائي ڪرڻ بجاء ٻئي ڪنهن فصل جي پوکائي لاء سوچيندا ۽ ان اگھ کي اگر نه وڌايو ويو ته پوء هاري به ڪڻڪ جي پوکائي نه ڪندا جنهن سان هڪ ڀيرو ٻيهر ڪڻڪ جو بحران هن ملڪ ۾ پيدا ٿي سگھي ٿو ان لاء ضروري آهي ته چوڌري پرويز الاهي جي ڏنل راء جو احترام ڪندي ڪڻڪ جي امدادي اگهه کي 2000 روپيا في مڻ مقرر ڪري هارين ۽ آبادگارن کي رليف پهچائڻ جي ڪوشش ڪئي وڃي ان ڏس ۾ سنڌ حڪومت پاران ڪيل اضا فو تمام بهتر آهي پر ان اعلان ۾ وزن تڏنهن پيدا ٿيندو جڏنهن پوري ملڪ لاء وفاقي حڪومت به اهڙو اعلان ڪري هن وقت سڀني جون نظرون وفاق ۽ ٻين صوبن جي حڪومتن ڏانهن ڇو ته سنڌ جي عوامي حڪومت پاران پنهنجي صوبي جي هارين کي رليف ڏيڻ لاء بهتر اعلان ڪيو آهي هاڻي جيڪي واعدا وفاقي حڪومت پنهنجي چونڊ منشور ۽ ان کان اڳ ويهن سالن تائين رڙيون ڪندي چوندا هيا ته اسان حڪومت ۾ اچي هارين کي سڀني کان وڌيڪ رليف مهيا ڪندا هاڻي وقت اچي چڪو آهي ٻن سالن کان پي ٽي اء وارا هن ملڪ تي حڪمراني ڪري رهيا آهن پر هن وقت تائين انهن هارين کي ڪوبه رليف ناهي ڏنو وفاقي حڪومت ۽ انجا صوبائي حڪمران جن ۾ پنجاب صوبو ڪي پي ڪي ۽ بلوچستان ۾ پڻ پي ٽي آء سندس اتحادين جي حڪومت آهي انهن کي به هن وقت فورن سنڌ حڪومت جي نقش قدم تي هلندي ڪڻڪ جي امدادي اگهه 2000 هزار روپيا مقرر ڪرڻ گھرجي

هن وقت سارين جو فصل پڻ پچي تيار ٿي چڪو آهي جنهن سبب هاري ۽ آبادگار اهو مطالبو ڪن ٿا هن وفاقي حڪومت کان ته اهي فوري طور تي سارين جو امدادي اگھ پڻ مقرر ڪن ڇو ته هن وقت مقامي سارين جا ڊيلر ۽ واپاري هارين ۽ آبادگارن کان پنهنجي مرضيء جو ريٽ مقرر ڪري کين لٽي رهيا آهن جنهن سبب هارين کي فائدي بجاء ڪافي نقصان پئجي رهيو آهي هتان جا مقامي واپاري هڪ منظم سازش تحت هڪ هٽي قائم ڪندي پاڻ ۾ اتحاد قائم ڪري هر روز سارين جي اگھ کي گھٽ ڪري رهيا آهن هاري آبادگار ٻڏتر جو شڪار آهن ته آخر هو ڪن ته ڇا ڪن اگر ساريون وڪرو ڪن ٿا ته کين لکين روپين جو نقصان ٿئي ٿو اگر نٿا ڪن ته پوء قرضدار انهن جي درن تي اچي کين گهٽ وڌ ڳالهائي هليا ٿا وڃن انهن سان به منهن ڏئي اگر اهي ساريون وڪرو ڪرڻ بجاء اسٽور ڪري رکن به ٿا ته کين ڪير پڪ ڏياري ته ڪجھ ڏينهن کانپوء اگھن ۾ اضافو ڪيو ويندو ان لاء جهڙي طريقي سان ڪڻڪ جي امدادي اگھ جو اعلان ڪيو ويو آهي جيڪو اسين سمجھون ٿا ته تمام گھٽ آهي پر پوء اعلان ته ٿيو آهي نه ان جي لاء هن وقت سارين جو فصل مارڪيٽ م اچي چڪو آهي تمام ضروري آهي ته حڪومت فورن سارين جي امداي اگهه ۾ پڻ اضافو ڪندي سارين جي امدادي سرڪاري اگهه جو اعلان ڪيو وڃي ته ڪافي بهتر ٿيندو ان سان هاري هنن مقامي لالچي منافعي خور واپارين هٿان لٽجڻ کان بچي سگھندا ۽ انهن کي اهي مقامي سارين جاواپاري پوء مجبور ٿي مناسب اگهه سندن کي سارين جو ڏيندا اگر امدادي اگهه مقرر نه ٿيو ته پوء اهي واپاري هر روز هارين کي اهو چوندا ته مٿان کان چانورن جو ريٽ گھٽ ٿيو آهي تنهنجي ڪري هڪ ته اسان هن وقت ساريون خريد نٿا ڪريون پر ڇو ته توهان اسان جا پراڻا گراهڪ آهيو ان جي لاء اسين توهان کان ساريون ته وٺون ٿا پر يار اگھ هيترو توهان کي ڏينداسين ۽ پيسا به هڪ ٻن مهينن کان پوء ڏينداسين اوهان ها اوهان جي سارين ۾ موسچر به وڌيڪ آهي ان جي لاء في مڻ ته ٻه کان ٽي ڪلو ڪٽوتي پڻ ڪنداسين اهو هاري ويچارو جيڪو ڪنهن مجبوري سبب پنهنجيون ساريون ڪارخاني تي اڻيندو آهي اهو سوچيندو آهي ته هيڏو خفو ڪري ٽريڪٽر جو ڪرايو ڀري مزدوري ڀري ڪانٽي جا پيسا ڀري ساريون ڪارخاني تائين کڻي آيو آهيان هاڻي ڇا ڪيان ڪيئن واپس وڃا ان لاء اهو مجبور هاري ان واپاري وٽ ساريون ڀڳڙن مٺ برابر اگھ تي کيس ڏئي هٿين خالي واپس هليو ويندو آهي هارين جي ڀلائي لاء ٺهندڙ ادارا ۽ اين جي اوز پڻ هن وقت هارين لاء ڪجھ به نه ڪري سگھيا آهن هارين جي ڀلائي لاء ڪم ڪندڙ اهي فلاحي ادارا هن وقت ڪٿي به نظر نٿا اچن هوڏانهن ڪارخانيدارن پاران ٺاهيل رائيس ملرز ايسوسيئيشن وارا سفيد هاٿي طور تي تمام ڪارخانيدارن کي مڪمل سپورٽ ڪري رهيا آهن جنهن سبب اهي واپاري هر روز اگهه ۾ ڦير ڦار ڪري غريب هارين سان ظلم ڪري رهيا آهن وفاقي حڪومت سميت صوبائي حڪومت جو پڻ اهو فرض آهي ته اهي مقامي سطح تي مانيٽرنگ سيل جوڙي اهڙن واپارين مٿان نظر رکن جيڪي ما ِسچر جو بهانو بڻائي هارين کان في مڻ تي ٻه کان ٽي ڪلو ڪٽوتي ڪن ٿا ۽ هر روز اگھن ۾ ڦير ڦار ڪري پاڻ ته پرائي پيسي تي ڪروڙ پتي بڻجي وڃن ٿا پر جن محنت ڪري انهن تائين ساريون پهچايون آهن اهي ويچارا هاري وڌيڪ قرضدار بڻجي وڃن ٿا اهڙن واپارين کي پڻ ڪن مهٽ ڪري کين پابند ڪيو وڃي ته اهي نه ڪٽوتي ڪن ۽ نه ئي پنهنجي مرضي سان اگھن ۾ ڦير ڦار ڪن اگر انهن ڳالهين تي واپاري عمل نه ڪن ته پوء سندن جا لائسنس ڪئنسل ڪري سندن خلاف قانوني ڪاروائي ڪئي وڃي. brohimajeed123@gmail.com