ڪراچي (اسٽاف رپورٽر)ڪراچي يونيورسٽي جي شاگردياڻي پوائنٽ بس لهندي ڪري فوت ٿي وئي، حادثو ان وقت پيش آيو جڏهن هوءَ بس مان لهي رهي هئي، شاگردياڻي بس تان لهڻ دوران ڪري زخمي ٿي جنهن اسپتال نيو پئي ويو ته رستي ۾ ئي فوت ٿي وئي ، شاگردياڻي جي وارثن قانوني ڪارروائي ڪرڻ کان انڪار ڪري ڇڏيو ۽ حراست ۾ ورتل بس ڊرائيور کي آزاد ڪرايو، يونيورسٽي جي شيخ واقعي جي جاچ لاءِ هڪ ڪميٽي ٺاهي آهي، ڪراچي يونيورسٽي ۾ بس مان لهڻ دوران حادثي جي نتيجي ۾ هڪ شاگردياڻي پنهنجي حياتي وڃائي ويٺي، فوتي جي سڃاڻپ انيڪا سعيد جي ڌيءَ طور ٿي، جيڪا احمد سعيد جي ڌيءَ هئي، جيڪا بي ايس سوشل ورڪ ڊپارٽمينٽ جي شاگردياڻي هئي، حادثي وقت شاگردياڻي ڪراچي يونيورسٽي جي بس ۾ سوار هئي، حادثي کان فوري پوءِ شاگردياڻي کي ويجهي اسپتال پهچايو ويو، پر هوءَ بچي نه سگهي، واقعي کان پوءِ ڪراچي يونيورسٽي جي شاگردن سخت احتجاج ڪيو ويو ۽ ملوث ڊرائيور خلاف قانوني ڪارروائي ۽ ٻين مطالبن جي حق ۾ نعريبازي ڪئي وئي، واقعي جو نوٽيس وٺندي، وي سي خالد عراقي هڪ جاچ ڪميٽي ٺاهي، ڪميٽي ۾ اين اي ڊي يونيورسٽي جي ٽرانسپورٽ ڊپارٽمينٽ جي انچارج ۽ ٻه شاگرد شامل آهن، جڏهن ته ڪرمنالاجي ڊپارٽمينٽ جي نعيمه سعيد کي ڪميٽي جو ڪنوينر مقرر ڪيو ويو آهي، پوليس جو چوڻ آهي ته پوليس بس ڊرائيور کي حراست ۾ وٺي ڇڏيو هو، پر مقتول جي وارثن کيس آزاد ڪرائي ڇڏيو، وارثن جو چوڻ هو ته اهي ڪا به قانوني ڪارروائي نٿا چاهين، پوليس جو چوڻ آهي ته مقتول جا وارث واقعي جو ڪيس به درج ڪرڻ نٿا چاهين، جڏهن ته بس ڊرائيور اڃا تائين اسپتال ۾ آهي.
