اسلام آباد: (بيورو رپورٽ) وفاقي آئيني عدالت جي پهرين ڪاز لسٽ جاري ڪئي وئي آهي. جاري ڪيل ڪاز لسٽ موجب، ايندڙ هفتي وفاقي آئيني عدالت ۾ ٽي بينچ ڪيس ٻڌندا. ڪاز لسٽ موجب، وفاقي آئيني عدالت جي چيف جسٽس جسٽس امين الدين خان ڪورٽ روم نمبر 1 ۾ ڪيس ٻڌندا، جڏهن ته جسٽس حسن اظهر رضوي کي ڪورٽ روم نمبر 2 ۾ ٻڌڻي جي ذميواري ڏني وئي آهي. ٽئين بينچ ۾ جسٽس عامر فاروق ۽ جسٽس ڪي ڪي آغا شامل آهن، جيڪي ڪورٽ روم نمبر 3 ۾ ٻن رڪني بينچ جي حيثيت سان ڪيس ٻڌندا. وفاقي آئيني عدالت جي قيام کان پوءِ هي پهرين ڪاز لسٽ آهي، جنهن تحت ايندڙ هفتي اهم آئيني ڪيسن جي ڪارروائي شروع ٿيندي.
