اسلام آباد(بيورو)تيل جي ذخيرن جي کوٽ ۽ مالي وسيلن جي کوٽ اختيارين لاءِ هڪ اهڙي وقت ۾ وڏا چئلينج بڻيل آهن، جڏهن سڄي ملڪ ۾ بجلي جي لوڊشيڊنگ سبب صارف متاثر ٿي رهيا آهن ۽ حڪومت ۽ ريگيوليٽرز پاران صورتحال قابو ۾ اچڻ جي يقين ڏياريندڙن جي باوجود خوفزده خريدارن ذخيرو ڪرڻ شروع ڪري ڇڏيو آهي موجب وزيراعظم شهباز شريف اڄ صورتحال بابت اجلاس جي صدارت ڪندو، سڄي ملڪ ۾ اڄ کان 2 مئي تائين هيٽ ويو شروع ٿيڻ جو امڪان آهي، پارو 6 کان 8 ڊگري سينٽي گريڊ تائين رهڻ جو امڪان آهي.جڏهن ته، طلب ۽ رسد جي وچ ۾ موجوده فرق 8 مئي تائين ساڳيو ئي رهڻ جو امڪان آهي، جنهن کانپوءِ فرنس آئل ۽ ايل اين جي ڪارگو جي دستيابي ۽ هائيڊرو پاور سپلائي ۾ بهتري سان اهو بهتر ٿيڻ شروع ٿي ويندو. سخت پابندين سبب آئل ڪارگوز کي ڊيزل ڪارگوز کي ترجيح ڏيڻ لاءِ بندرگاهن تي لنگر انداز ٿيڻ لاءِ ڊگهو انتظار ڪرڻو پيو، هن وقت وڌ ۾ وڌ پيداوار 20 هزار ميگاواٽ آهي جڏهن ته گهٽ ۾ گهٽ طلب 25 هزار ميگاواٽ کان وڌيڪ آهي.
