بدين (رپورٽ مرتضيٰ ميمڻ) تعلقي جاتي ٻارڻ آباد جي ڳوٺ آچار چالڪو جي رھواسي نوجوان جوڙي جو بدين پريس ڪلب آڏو احتجاج ، مخالف وڏيرن سندن، ۽ ڀائرن تي ڪوڙا ڪيس داخل ڪرائي جيئن جنجال ڪري ڇڏيو آهي. پيار جو پرڻو ڪندڙ جوڙي اصغر علي چالڪو ۽ زاھده چالڪو ٻڌايو ته اٺ مهينا اڳ هو پيار جو پرڻو ڪرڻ لاء ڳوٺان نڪتا ۽ جڏهن عدالت ذريعي پيار جو پرڻو ٿيو ته مخالف هر هڪ غلام حسين، سڪندر، جمعو، ۽ ٻيا اسان جا دشمن ٿي پيا، هنن عدالتي فيصلو ٻڌائيندي چيو ته هاڻ مخالف اسان کي ڳوٺ اچڻ نه ٿا ڏين ۽ ضد ۾ اچي اصغر جي والد مبارڪ، ڀائرن هاشم ۽ پير بخش چالڪو خلاف جاتي ٿاڻي تي ڪوڙا ڪيس داخل ڪرايا آهن، هنن انصاف جي گهر ڪندي چيو ته مخالفن خلاف قدم کڻي ڪوڙا ڪيس ختم ڪيا وڃن، ٻي صورت ۾ تنگ ٿي هو پاڻ کي باھ ڏيئي ساڙيندا.
