ڪراچي (ويب ڊيسڪ)جيڪڏهن توهان پاڪستاني شوبز انڊسٽري جي پياري آن اسڪرين جوڙي اداڪار فواد خان ۽ اداڪاره ماهرا خان سان ملڻ چاهيو ٿا ته تيار ٿي وڃو، هڪ ڀيرو ٻيهر هي جوڙو مداحن سان ملڻ لاءِ اچي رهيو آهي.مداحن جو ڊگهو انتظار هاڻي ختم ٿي ويو آهي، انهن جي نئين رومانوي فلم ‘نيلوفر’ آخرڪار 4 سالن کان پوءِ سينما گهرن جي زينت بڻجڻ واري آهي، فلم جو ٽريلر جاري ڪيو ويو آهي، جنهن سان گڏ فلم جي رليز ٿيڻ جي تاريخ به ظاهر ڪئي وئي آهي، وڊيو شيئرنگ پليٽ فارم تي 1 منٽ 38 سيڪنڊ جو ٽريلر جاري ڪيو ويو آهي، فلم ۾ پيار، جذبات ۽ ڊرامي جو هڪ خوبصورت ميلاپ ڏيکاريو ويو آهي، هدايتڪار عمار رسول جي لکيل ۽ هدايتڪاري ۾ ٺهيل هي فلم 28 نومبر 2025 تي ملڪ جي سينما گهرن ۾ رليز ڪئي ويندي، فلم ۾ فواد خان ۽ ماهرا خان مرڪزي ڪردار ۾ نظر ايندا، جڏهن ته مديحا امام ٻي ڪاسٽ ۾ هوندي. ثروت گيلاني، عتيقا اوڍو، بهروز سبزواري، گوهر شيد، فيصل قريشي، ساميه ممتاز، راشد فاروق، چاند بريل، سيمي راحيل، عديل هاشمي، حرا ترين ۽ نويد شهزاد ڪاسٽ ۾ شامل آهن، جيئن ئي فلم جو ٽريلر جاري ٿيو، مداحن ۾ تمام گهڻو جوش ۽ خروش پيدا ٿيو.
