راولپنڊي(ويب ڊيسڪ) پاڪستان تحريڪ انصاف جي مرڪزي اڳواڻ ۽ اڳوڻي اسپيڪر قومي اسيمبلي اسد قيصر جو چوڻ آهي ته عمر ايوب اسان جو وزارت عظميٰ جو اميدوار هوندو.اڊيالا جيل راولپنڊي ٻاهران ميڊيا سان ڳالهائيندي اسد قيصر چيو ته عمران خان سان 10 مهينن جي ملاقات ۽ سياسي معاملن تي مشاورت کانپوءِ پي ٽي آءِ باني عمر ايوب کي وزيراعظم نامزد ڪيو آهي.اسد قيصر چيو ته هي ملڪي تاريخ جي بدترين چونڊون آهن، چونڊن ۾ اسان جو مينڊيٽ چوري ڪيو ويو، مون کي سمورين سياسي پارٽين سان ڳالهائڻ جو ٽاسڪ ڏنو ويو آهي.قومي اسيمبلي جي اڳوڻي اسپيڪر چيو ته سمورين سياسي پارٽين کي ڳالهائڻ جو ٽاسڪ ڏنو ويو آهي.چونڊ ڌانڌلي خلاف احتجاج ڪندڙ پارٽين سان رابطا ڪنداسين، جي يو آءِ، اي اين پي، جماعت اسلامي ۽ قومپرست پارٽيون سڀني سان ڳالهيون ڪنديون. هن چيو ته چونڊن ۾ وڏي پيماني تي ڌانڌلي ڪئي وئي، اهڙي ڌانڌلي واري حڪومت کي ڪير به تسليم نه ڪندو، اسيمبلي ۾ ويهنداسين ۽ قانوني جنگ وڙهنداسين، هڪ ٻن ڏينهن ۾ پارلياماني پارٽي جو اجلاس گهرائينداسين.قومي اسيمبلي جي اڳوڻي اسپيڪر چيو ته هو چونڊ ڌانڌلي تي يورپ ۽ آمريڪا کي ان جي ذميواري ياد ڏياري رهيو آهي، آمريڪا جمهوري حقن جو علمبردار ۽ دعويدار آهي، ان ڪري ڌيان ڇڪايو وڃي.هنن چيو ته هو قانون جي حڪمراني چاهين ٿا ۽ جنهن حڪومت کي هنن ووٽ ڏنو اهو سندن حق آهي. احتجاج لاءِ اسيمبلي ۾ وينداسين ۽ عوام آڏو پنهنجو موقف پيش ڪنداسين. پي ٽي آءِ جو باني جيڪو فيصلو ڪندو ان تي عمل ڪنداسين.
