اسلام آباد (بيورو رپورٽ) اڄ صبح 11 وڳي طلب ڪيل قومي اسيمبليءَ جي اجلاس جو ست نڪاتي ايجنڊا جاري ڪيو ويو آهي. ٻئي طرف پاڪستان تحريڪ انصاف جي گرفتار ٻن قومي اسيمبلي ميمبرن ثناءُ الله مستي خيل ۽ داور ڪنڊي کي پارليامينٽ لاجز منتقل ڪيو ويو آهي. اسپيڪر اياز صادق ٻنهي اسيمبلي ميمبرن جا پروڊڪشن آرڊر جاري ڪيا هئا، جنهن کانپوءِ کين پارليامينٽ لاجز منتقل ڪيو ويو. جاري ڪيل نوٽيفڪيشن موجب ٻنهي ميمبرن کي ايندڙ قومي اسيمبليءَ جي اجلاسن ۾ شرڪت جي اجازت هوندي.
