اسلام آباد(بيورو رپورٽ)گهرو معاملن واري مملڪتي وزير طلال چوڌري چيو آهي ته پاڪستان تحريڪ انصاف (پي ٽي آءِ) نشانو ناهي، نشانو اهي آهن جن قانون ٽوڙيو آهي.ڳالهائيندي هن چيو ته پي ٽي آءِ کي پڻ چيو ويو آهي ته هو پاڻ کي انهن کان الڳ ڪري جن قانون ٽوڙيو آهي.طلال چوڌري چيو ته پوليس ثبوت گڏ ڪيا آهن ۽ گرفتاريون ڪيون آهن، عليمه خان جو پٽ حسان نيازي به ساڻس گڏ موجود هو.هن چيو ته قومي اسيمبلي جي اسپيڪر چيو آهي ته گرينڊ ڊائيلاگ قومي اسيمبلي ۽ سينيٽ ۾ موجود آهي، قومي اسيمبلي جي اسپيڪر اهو به چيو آهي ته سندس آفيس به بحث لاءِ کليل آهي.هن چيو ته جيڪڏهن پي ٽي آءِ گرينڊ ڊائيلاگ ڪرڻ چاهي ٿي ته ان کي اسپيڪر جي آڇ قبول ڪرڻ گهرجي، ضمني چونڊن ۾ عوام جيڪو به فيصلو ڪندو، اسان قبول ڪنداسين.
