سکر (جئيرام داس ) آمدني کان وڌيڪ اثاثن واري ڪيس ۾ پ پ ايم اين اي سيد خورشيد شاهه سکر جي احتساب عدالت ۾ ايمبولينس ذريعي پيش، عدالت وڪيلن جا دليل ٻڌڻ کانپوءِ ڪيس جي ڪارروائي 12 آگسٽ تائين ملتوي ڪري ڇڏي، خورشيد شاهه جي 2 گهروارين، پٽ ايم پي اي فرخ شاهه، ناٺي سيد اويس قادر شاهه سميت 18 ڄڻن تي هڪ ارب 23 ڪروڙ رپين جو ريفرنس داخل ٿيل آهي، عدالت ٻاهران ميڊيا سان ڳالهائيندي خورشيد شاهه چيو ته سنڌ ۾ گورنر راڄ لاڳو ڪرڻ جون ڳالهيون هلي رهيون آهن، پنجاب ۽ ڪي پي ۾ به حالتون خراب آهي، ڇا اُتي به گورنر راڄ لاڳو ڪيو ويندو؟.
