حب (ويب ڊيسڪ) ڪوسٽل هاءِ وي تي مسافر بس حادثي جو شڪار ٿي پئي جنهن جي نتيجي ۾ 9 ماڻهو فوت ۽ 31 زخمي ٿي پيا آهن. ڊپٽي ڪمشنر لسبيلا مطابق حادثي جو شڪار بس اورماڙه مان ڪراچي وڃي رهي هئي ته ڪوسٽل هاءِ وي تي بزي ٽاپ وٽ کڏي ۾ ڪري پئي جنهن جي نتيجي ۾ بس ۾ سوار 7 ماڻهو فوت جڏهن ته 31 ڄڻا زخمي ٿي پيا آهن. ڊپٽي ڪمشنر ٻڌايو ته واقعي جو اطلاع ملندي ئي پاڪستان ڪوسٽ گارڊز، ليويز ۽ نيوي جون ريسڪيو ٽيمون واقعي واري جڳهه تي پهچي ويون آهن ۽ امدادي ڪارروايون شروع ڪيون ويون آهن لاشن ۽ زخمين کي اورماڙه جي پي اين ايس اسپتال ۾ منتقل ڪيو ويو آهي.
