نواب شاھ (اي ڪي ڏاهري)ڪرونا وائرس جي متاثره شخص سکر کان نوابشاھ ڏانھن عوام ايڪسپريس ۾ سفر ڪري پھچڻ تي ضلعي انتظاميا ۾ ٿرٿلو پئجي ويو. متاثره شخص کي تحويل ۾ وٺڻ لاءِ ھيلٿ ڊيپارٽمينٽ جي ڊاڪٽرن جي ٽيم ۽ پوليس جي وڏي نفري ريلوي اسٽيشن پهتي ۽ ايمبولينس ۾ سندس ساٿي ظهير احمد کي پڻ تحويل ۾ وٺي اسپتال جي آئيسوليشن وارڊ منتقل ڪيو ويو آهي ذريعن کان معلوم ٿيو آھي ته ٽرين ۾ سوار شخص نالي مير مرتضيٰ خاصخيلي ويٺل يونين ڪائونسل جھانگارا تعلقه سيھوڻ شريف جو رھواسي آهي جيڪو ڪافي عرصي کان اسلام آباد جي نجي ڪمپنين ۾ ملازمت ڪندو ھيو جنھن کي گذريل ھفتي ڪورونا وائرس جون علامتون ظاھر ٿيون ھيون.
