اسلام آباد(بيورو)سڌ سماءَ واري وفاقي وزير مريم اورنگزيب چيو آهي ته اليڪشن ڪميشن جي فيصلي جو پنجاب ۾ مسلم ليگ ن جي حڪومت تي ڪو به اثر نه پوندو، حڪومت ۾ اڃا تائين 177 ميمبر آهن، مخالفن جو انگ 172 آهي.سڌ سماءَ واري وفاقي وزير مريم اورنگزيب چيو آهي ته هڪ هفتو اڳ تائين عمران خان اليڪشن ڪميشن تي حملو ڪري رهيو هو. هن چيو ته پرڏيهي فنڊنگ ڪيس ۾ 8 سالن کان فيصلو ناهي آيو، منحرف ميمبرن جو فيصلو هڪ مهيني ۾ آيو. مريم اورنگزيب اليڪشن ڪميشن کان مطالبو ڪيو ته پرڏيهي فنڊنگ ڪيس ۾ سڄي پي ٽي آءِ کي ڪالعدم قرار ڏنو وڃي.
