راولپنڊي(ويب ڊيسڪ) اسلام آباد يونائيٽيڊ جي ٽاپ آرڊر بيٽسمين ڪولن منرو پاڪستان سپر ليگ (پي ايس ايل) سيزن 10 جي افتتاحي ميچ ۾ هڪ نئون رڪارڊ قائم ڪري ڇڏيو.جمعي ڏينهن پي ايس ايل جي افتتاحي ميچ ۾ دفاعي چيمپيئن اسلام آباد يونائيٽيڊ لاهور قلندرز کي 8 وڪيٽن تان شڪست ڏئي ڇڏي.راولپنڊي اسٽيڊيم ۾ کيڏيل ميچ ۾، اسلام آباد يونائيٽيڊ لاهور قلندرز جو 140 رنسن جو هدف 18 هين اوور ۾ حاصل ڪري ورتو.جارحاڻي بيٽسمين ڪولن منرو 42 بالن تي 59 رنسن جي ناقابلِ شڪست اننگز کيڏي اسلام آباد يونائيٽيڊ کي قلندرز خلاف فتح ڏيارڻ ۾ اهم ڪردار ادا ڪيو.هن ففٽي سان، کاٻي هٿ جي بيٽسمين ڪولن منرو ڪوئيٽا گليڊي ايٽرز جي اڳوڻي ڪپتان رائلي روسو جو رڪارڊ ٽوڙي ڇڏيو.
