راولپنڊي(ويب ڊيسڪ) ٻارن جي حقن جي تحفظ لاءِ ڪم ڪندڙ غير سرڪاري تنظيم، سوسائٽي فار دي پروٽيڪشن آف دي رائٽس آف دي چائلڊ (SPARC)، ايندڙ مالي سال 2026-27 جي وفاقي بجيٽ ۾ سگريٽ تي فيڊرل ايڪسائيز ڊيوٽي (FED) ۾ نمايان واڌ جي تجويز پيش ڪئي آهي.تجويز ۾ چيو ويو آهي ته ان سان قومي خزاني کي 51 ارب رپين تائين جو اضافي آمدني ٿيندي. تجويزن ۾ گهٽ قيمت واري سگريٽ جي پيڪٽ تي گهٽ ۾ گهٽ 35 رپيا ۽ مهانگي سگريٽ جي پيڪٽ تي 21 رپيا واڌ جي سفارش پڻ ڪئي وئي آهي.SPARC هڪجهڙي ٽيڪس سسٽم ڏانهن بتدريج منتقلي تي پڻ زور ڏنو ته جيئن قيمتن ۾ فرق گهٽجي سگهي ۽ سگريٽ جي دستيابي کي محدود ڪري سگهجي.ماهرن جي مطابق، اهي قدم نه رڳو سرڪاري آمدني ۾ اضافو ڪندا پر تقريبن 370,000 نوجوانن کي سگريٽ نوشي شروع ڪرڻ کان روڪڻ ۾ پڻ مدد ڪندا، انهي سان گڏ 270,000 ماڻهن جي هن عادت کي ڇڏڻ جو امڪان پڻ آهي
