اسلام آباد (بيورو رپورٽ) وزيراعظم شهباز شريف سان اين ڊي ايم اي جي چيئرمين ليپٽيننٽ جنرل انعام حيدر ملڪ ملاقات ڪري ملڪ ۾ مون سون برساتن ۽ ٻوڏ واري صورتحال تي بابت آگاهي ڏني۔ وزيراعظم پاران سمورن وسيلن کي ڪارآمد بڻائي ٻوڏ متاثرن جي بحاليءَ، امداد ۽ صوبائي ادارن سان لاڳاپيل رابطن کي مضبوط ڪرڻ جا حڪم ڏنا ويا۔ اين ڊي ايم اي چيئرمين ٻڌايو ته خیبر پختونخوا، گلگت بلتستان ۽ آزاد ڪشمير ۾ ايمرجنسي امدادي ڪارروائيون جاري آهن۔
