پشاور(ويب ڊيسڪ) بچاءَ واري وزير پرويز خٽڪ جي ڀاءُ آبپاشي وزير لياقت خٽڪ کي عهدي تان هٽايو ويو آهي، لياقت خٽڪ کي پي ڪي 63 نوشهراجي چونڊ دوران پارٽي پاليسي جي ڀڃڪڙي تي هٽايو ويو. ڪي پي حڪومت جي ايم پي اي ڪامران بنگش جو چوڻ آهي ته آبپاشي وزير لياقت خٽڪ کي وڏي وزير محمود خان عهدي تان هٽايو آهي، سندس خلاف چارج شيٽ به تيار ڪئي وئي آهي، پارٽي قيادت چونڊ دوران ن ليگ اميدوار جي حمايت جو نوٽيس ورتو هو.
