لاهور(ويب ڊيسڪ) مسلم ليگ (ن) جي قائد ميان نواز شريف مرڪز ۽ پنجاب ۾ اڪيلي وڏي اڪثريتي جماعت هجڻ جي دعويٰ ڪندي سڀني پارٽين سان گڏجي حڪومت ٺاهڻ جو اعلان ڪيو آهي. لاهور ۾ اليڪشن آفيس ۾ ڪارڪنن کي خطاب ڪندي هن چيو ته پاڪستان زخمي آهي، اسان سڀني جي ذميواري آهي ته مهانگائي گهٽ ڪريون. هن چيو ته اسان سڀني پارٽين ۽ آزاد ميمبرن جي مينديٽ جو احترام ڪريون ٿا ۽ مان سڀني کي حڪومت ۾ شامل ٿيڻ جي دعوت ڏيان ٿو. هن چيو ته اسانکي پاڙيسري ملڪن سان تعلقات بهتر ڪرڻا آهن. هن چيو ته مان شهباز شريف ۽ اسحاق ڊار کي اها ذميواري ڏيان ٿو ته هو آصف علي زرداري ، مولانا فضل الرحمان خالد مقبول صديقي ۽ ٻين سان رابطو ڪن ۽ گڏيل حڪومت ٺاهڻ لاءِ اڄ ئي ملاقاتون ڪري رپورٽ ڏين.
