ٽنڊو محمد خان )ن س)ٽنڊو محمد خان جي ميونسپل ڪميٽي جي ملازمن مزدورن جي يونين جي چونڊ ، 2 الڳ الڳ پئنل هڪٻئي جي آمهون سامهون مقابلي لاءِ اچي ويا ، ٽنڊو محمد خان جي ميونسپل ڪميٽي ۾ ملازمن ۽ مزدورن جي الڳ الڳ ٻن يونين ميونسپل ايمپلائيز يونين ۽ ميونسپل مزدور يونين جي طرفان اميدوار 17 نومبر بروز خميس واري ڏينهن ٿيندڙ چونڊ لاءِ سرگرميون تيز ڪري ڇڏيون آهن ، جنهن ۾ ميونسپل ايمپلائيز يونين جي طرفان نامزد ڪيل صدر پير بخش خاصخيلي ، جنرل سيڪريٽري سڪندر ڀٽي ۽ ٻين اليڪشن جي ورڪ دوران ملازمن جي منعقد ڪيل ميڙاڪن کي مخاطب ٿيندي چيو آهي ته اسان هميشه ملازمن جي حقن لاءِ آواز اٿاريو آهي ، ماضي جيان هن دفعي به اسين چونڊ ۾ ڪاميابي حاصل ڪري سوڀارا ٿينداسين ۽ اسان جا مخالف اڳ جيان هن دفعي به شڪست کائي هارائي ويندا ، جڏهن ته ميونسپل مزدور يونين جي نامزد ڪيل صدر عبدالوحيد ڀٽي ، جنرل سيڪريٽري امتياز خاصخيلي ۽ ٻين اليڪشن ورڪ جي ميڙاڪن ۾ مخاطب ٿيندي چيو آهي ته ميونسپل ڪميٽي جي اليڪشن ۾ افسر شاهي ۽ سياسي مداخلت سان ڪاميابي حاصل ڪندڙ هاڻي مزدورن جي حقن سان ٻيهر سوديبازي ڪري نٿا سگهن ، هنن هميشه مزدورن ۽ ملازمن جي حقن جي پائمالي ڪئي آهي ، مزدورن ۽ ملازمن کي پنهنجا جائز حق وٺي ڏيڻ بجاءِ پاڻ افسر شاهي سان ملي ڀڳت ڪري حق غضب ڪرايا آهن جنهن جي ڪري ميونسپل ڪميٽي جا مزدور ۽ ملازم اڃان به بنيادي سهوليتن کان محروم آهن کين پنهنجا حق نه ملي رهيا آهن ، هاڻي وقت اچي ويو آهي ته سندن 17 نومبر واري چونڊ ۾ احتساب ڪرائي کين شڪست ڏيئي مزدورن جا حق وٺي سوڀ حاصل ڪئي ويندي
