ڊيووس(ويب ڊيسڪ)سخت سردي، سياسي تڪرارن ۽ مصنوعي ذهانت (اي آءِ) بابت شڪن باوجود، ڊيووس ۾ ڪاروباري اڳواڻن جو ٽيڪنالاجي ذريعي نوڪريون پيدا ٿيڻ بابت جوش گهٽ نه ٿيو۔
ورلڊ اڪنامڪ فورم جي سالياني اجلاس ۾ اعليٰ عملدارن چيو ته جيتوڻيڪ ڪجهه نوڪريون ختم ٿينديون، پر نيون نوڪريون به پيدا ٿينديون. انهن مان ٻن رائٽرز کي ٻڌايو ته اي آءِ کي اهي ڪمپنيون بهانو بڻائينديون، جيڪي اڳ ئي ملازمن کي فارغ ڪرڻ جو منصوبو رکيون ويٺيون آهن۔
اي آءِ جي ٽريلين ڊالرن واري توسيع جا علمبردار، جن ۾ چپ انڊسٽري جو وڏو نالو جينسن هوانگ به شامل آهي، چيو ته هي ٽيڪنالاجي پلمبرز، اليڪٽريشنن ۽ اسٽيل ورڪرن لاءِ وڌيڪ پگهار ۽ وڌيڪ نوڪريون آڻيندي۔
نويڊيا جي سي اي او سوئس ’مائونٽين ريزارٽ‘۾ ٿيندڙ اجلاس کي ٻڌايو: “توانائي نوڪريون پيدا ڪري رهي آهي، چِپ انڊسٽري نوڪريون پيدا ڪري رهي آهي، انفراسٽرڪچر جو شعبو نوڪريون پيدا ڪري رهيو آهي.” هن وڌيڪ چيو: “نوڪريون، نوڪريون، نوڪريون.”
هي خوش اميدي اُن ممڪنه واپاري تڪرار جي ابتڙ هئي، جيڪو ڊيووس ۾ ان وقت تائين گونجندو رهيو، جيستائين آمريڪي صدر ڊونلڊ ٽرمپ ٽيرف ختم ڪرڻ ۽ گرين لينڊ بابت يورپ سان سيڪيورٽي ڌار ٿيڻ کي ٽارڻ لاءِ معاهدو نه ڪيو۔
پر اي آءِ بابت شڪ شبها به اندر ئي اندر موجود رهيا۔ شرڪت ڪندڙن بحث ڪيو ته چيٽ بوٽس ڪيئن صارفين کي نفسياتي بيمارين ۽ خودڪشيءَ تائين وٺي وڃي سگهن ٿا، جڏهن ته مزدور يونينن جي اڳواڻن تازين ٽيڪنالاجي ڪاميابين جي قيمت تي سوال اٿاريا.
20 ملين ميمبرن واري يو اين آءِ گلوبل يونين جي جنرل سيڪريٽري ڪرسٽي هوفمين چيو: “اي آءِ کي پيداوار وڌائڻ وارو اوزار بڻائي وڪرو ڪيو پيو وڃي، جنهن جو مطلب اڪثر اهو هوندو آهي ته گهٽ مزدورن سان وڌيڪ ڪم ڪرايو وڃي.”
منافعن ڏانهن رخ
ڪلائوڊ فلئير جي سي اي او ميٿيو پرنس رائٽرز کي ڊيووس جي مٿان هڪ جبل واري ريسٽورنٽ ۾ انٽرويو دوران چيو ته اي آءِ اڳتي وڌندي رهندي ۽ جدوجهد ڪندڙ ڊولپر مارڪيٽ يا فنڊنگ جي مسئلن تي قابو پائي سگهن ٿا۔
عملي جو انگ ساڳيو
بليڪ راڪ (BLK.N) جي چيف آپريٽنگ آفيسر روب گولڊسٽين ميڊيا رائونڊ ٽيبل کي ٻڌايو ته دنيا جي سڀ کان وڏي اثاثا مينيج ڪندڙ اداري گذريل سال لڳ ڀڳ 700 ارب ڊالر نوان اثاثا حاصل ڪيا آهن، ۽ اي آءِ کي عملي گهٽائڻ بدران ڪاروبار وڌائڻ جو ذريعو سمجهي ٿو۔
هن چيو: “اسان جي واڌ ويجهه جاري رهندي به عملي جو انگ ساڳيو رکڻ تي ڌيان آهي.”
ٻئي پاسي، ذريعن موجب، ايميزون ايندڙ هفتي ٻيهر ملازمن کي گهٽائڻ جو ارادو رکي ٿي، جيڪو مجموعي طور لڳ ڀڳ 30 هزار ڪارپوريٽ نوڪريون ختم ڪرڻ واري وڏي منصوبي جو حصو آهي۔
انٽرنيشنل ٽريڊ يونين ڪنفيڊريشن جي جنرل سيڪريٽري لوڪ ٽرائئنگل چيو ته ڪمپنين جي خاطريءَ باوجود نوڪرين بابت پريشاني ان ڪري برقرار آهي، جو مزدورن کي اي آءِ جي نفاذ بابت گهڻو اختيار نٿو ملي۔
هن چيو: “انهن حالتن ۾ مزدور اي آءِ کي هڪ خطري طور ڏسن ٿا.”
مائڪروسافٽ (جي شريڪ باني ۽ ارب پتي انسان دوست بل گيٽس چيو ته دنيا کي “اي آءِ جي آڻيندڙ موقعن ۽ اٿل پٿل لاءِ تيار ٿيڻ گهرجي.”
هن رائٽرز کي چيو: “توهان جي معيشت وڌيڪ پيداوار واري ٿي وڃي ٿي، جيڪو عام طور سٺو هوندو آهي.” گيٽس اي آءِ سرگرمين تي ٽيڪس لڳائڻ کي مزدورن جي مدد لاءِ هڪ امڪاني خيال قرار ڏنو ۽ سياستدانن تي زور ڏنو ته هو ٽيڪنالاجي کي وڌيڪ سمجهن۔
هن وڌيڪ چيو: “بيشڪ مسئلا آهن، پر اهي سڀ حل ٿي سگهن ٿا.”
ڊيووس خميس ڏينهن گهڻو ڪري ايلان مسڪ جي اميدن سان ختم ٿيو، جيڪو اسپيس ايڪس ۽ ٽيسلا (TSLA.O) جو باني ۽ سي اي او آهي۔ هن تهذيب جي حفاظت ۽ ان کي بين السيارن بڻائڻ بابت پنهنجي مقصد تي ڳالهه ڪئي۔
مسڪ ڀريل ڪانگريس هال کي ٻڌايو: “زندگي جي معيار لاءِ، اميدوار ٿي غلط ٿيڻ، مايوس ٿي صحيح ٿيڻ کان بهتر آهي.” ان کان پوءِ هو رپورٽرن کان بچندي باورچي خاني واري رستي کان ٻاهر هليو ويو.
