اسلام آباد (بيورو رپورٽ)اربع تي ملڪ جي اڪثر علائقن ۾ موسم خشڪ رهڻ جو امڪان آهي، صبح ۽ رات جو گرمي پد ٿڌو رهندو. گذريل 24 ڪلاڪن دوران بلوچستان، ساحلي/مٿين سنڌ ۽ پاراچنار ۾ ڪجهه هنڌن تي تيز هوائن ۽ گجگوڙ سان گڏ مينهن پيو. موسميات کاتي موجب، ان دوران ڪجهه هنڌن تي ڳڙا به پيا. ٻئي طرف، ايم 2 ٺوڪر نياز بيگ کان ڪوٽ مومن تائين ڪوهيڙي سبب بند آهي. ايم 3 فيض پور کان رجانا انٽرچينج تائين، ايم 4 پنڊي ڀٽيان کان عبدالحڪيم تائين، ۽ ايم 11 لاهور کان سمبڙيال تائين بند آهي.
