اسلام آباد (ويب ڊيسڪ)وزيراعظم شهباز شريف چيو آهي ته ماڻهن سنت ابراهيمي کي سٺي نموني ادا ڪيو، عيد تي وڏن شهرن خاص طور لاهور ۾ صفائي جا بهترين انتظام ڪيا ويا.پنهنجي هڪ بيان ۾ هن چيو ته هو پنهنجن پيارن کان پري فرض سرانجام ڏيڻ وارن کي خراج تحسين پيش ڪري ٿو.شهباز شريف چيو ته مان سالڊ ويسٽ مئنيجمينٽ ڪمپنين جي آفيسرن ۽ انتظاميه کي خاص خراج تحسين پيش ڪريان ٿو جن عيدالفطر پنهنجن پيارن کان پري گذاري، پنهنجا فرض ادا ڪيا ۽ پنهنجن شهرن کي آلودگي ۽ گندگي کان پاڪ رکيو.وزيراعظم وڌيڪ چيو ته هو پاڪستان جي عوام جو به شڪرگذار آهي جن انتظاميه جي آواز تي لبيڪ چيو ۽ سندن تعاون سان اهو سڀ ڪجهه ممڪن ٿيو.
