واشنگٽن(ويب ڊيسڪ)يورپ مان هزارين لگزري ڪارون کڻي آمريڪا ويندڙ مال بردار جهاز کي باهه لڳي وئي. آمريڪي ميڊيا موجب گذريل ڏينهن ائٽلانٽڪ سمنڊ ۾ پرتگالي مال بردار جهاز ۾ باهه لڳي وئي، باهه لڳڻ جو سبب اڃا تائين معلوم ناهي ٿي سگهيو. ميڊيا رپورٽن موجب مال بردار جهاز ۾ ووڪس ويگن گروپ جون 4 هزار گاڏيون آهن. رپورٽن مطابق مال بردار جهاز ۾ اٽڪل 1100 پورش ۽ 200 مهانگيون بينٽلي گاڏيون هيون. آمريڪي ميڊيا جو چوڻ آهي ته مال بردار جهاز ۾ سوار عملي جي 22 ميمبرن کي بچايو ويو آهي پر ائٽلانٽڪ سمنڊ ۾ مال بردار جهاز کي لڳل باهه تي ضابطو نه اچي سگهيو آهي.
