ڪراچي (اسٽاف رپورٽر)پاڪستان جي باني قائداعظم محمد علي جناح جو145 جنم ڏينهن وڏي جوش ۽ جذبي سان ملهايو پيو وڃي.قائداعظم محمد علي جناح جي اڄ 145 هين جنم ڏينهن جي موقعي تي پروقار تقريبن، سيمينارز، ڪانفرنسز، مذاڪرن ۽ بحث مباحثن جو بندوبست ڪيو ويندو، وفاقي ۽ صوبائي راڄڌانين ۾ ڏينهن جي شروعات توپن جي سلامي سان ٿي جڏهن ته ڪراچي ۾ مزار قائد تي گارڊز جي تبديلي جي پروقار تقريب ٿي.باباءِ قوم 25 ڊسمبر 1876 تي ڪراچي ۾ پيدا ٿيو، هو 1913 دوران مسلم ليگ ۾ شامل ٿيو ۽ ٻه قومي نظريي تحت انگريزن کان آزادي ۽ هندن کان الڳ وطن جي جدوجهد شروع ڪئي، هن جي جدوجهد رنگ لاتو، 14 آگسٽ 1947 ۾ پاڪستان وجود ۾ آيو ۽ هو ان ملڪ جو پهريون گورنر جنرل ٿيو.
