اسلام آباد(بيورو رپورٽ) پي ٽي اي غير قانوني سمن جي بندش جو مرحلو شروع ڪري ڇڏيو آهي.پهرين مرحلي ۾ جمعي کان جعلي سمز ۽ منسوخ ٿيل شناختي ڪارڊ بلاڪ ٿيڻ شروع ٿي ويا آهن.ذريعن موجب نادرا کان حاصل ڪيل ڊيٽا جي بنياد تي غير قانوني سمن کي بلاڪ ڪيو پيو وڃي، ٻئي مرحلي ۾ ختم ٿيل شناختي ڪارڊن تي رجسٽرڊ ٿيل سمز کي بلاڪ ڪيو ويندو ۽ ٽئين مرحلي ۾ فوت ٿيل ماڻهن جي نالن تي رجسٽرڊ ٿيل سمز کي بلاڪ ڪيو ويندو. ذريعن موجب موبائل سمز جي بندش کان اڳ صارفين کي آگاهي جا پيغام موڪليا ويا هئا ۽ انهن پيغامن ۾ سمن جي ڊيٽا کي اپڊيٽ ڪرڻ لاءِ چيو ويو هو.پي ٽي اي ذريعن موجب موبائل سمز جو غير قانوني استعمال ڪنهن به صورت ۾ قبول ناهي، جعلي سمز مختلف غير قانوني ڪمن ۾ استعمال ٿي رهيون آهن.
