ڪراچي (ويب ڊيسڪ)پاڪستاني شوبز انڊسٽريءَ جي ڪيترين ئي شخصيتن تحريڪ انصاف چيئرمين عمران خان جي گرفتاري جي مذمت ڪئي آهي. اداڪارا ارمينا خان ٽوئيٽر تي پنهنجي ردعمل ۾ چيو ته اها گرفتاري انتهائي بيهود ڪِريل عمل آهي ۽ مان عمران خان سان گڏ آهيان. گلوڪارا قرت العين بلوچ ان کي جمهوريت جو موت قرار ڏيندي لکيو ته هاڻ باضابطا طور ملڪ ۾ ڪا جمهوريت ناهي.فريحا الطاف ٽوئيٽ ڪيو ته عمران خان جي گرفتاري ڏسي مون کي تمام گهڻو افسوس ٿيو، اميد ته هو محفوظ رهندو ۽ مان سندس واپسي لاءِ دعاڳو آهيان. عدنان صديقي ٽوئيٽر تي لکيو ته اڳوڻي وزيراعظم کي ڏوهارين جيان گِهلجندو ڏسڻ شرمناڪ ۽ حيرت ڏياريندڙ آهي، اسان جي تاريخ اهڙا منظر ناهن ڏٺا.
