لاهور (ويب ڊيسڪ) لاهور (ويب ڊيسڪ)دهشتگردي ٽوڙ عدالت 9 مئي 2023 تي جناح هائوس تي حملي واري ڪيس ۾ تحريڪ انصاف جي باني عمران خان جي ڀيڻ عليمه خان جي پٽ شاهريز جو 8 ڏينهن جو جسماني ريمانڊ منظور ڪري ڇڏيو. لاهور پوليس گذريل ڏينهن زمان پارڪ مان گرفتار ٿيل شاهريز خان کي دهشتگرديءَ ٽوڙ عدالت ۾ پيش ڪيو ۽ هڪ مهيني جي جسماني ريمانڊ جي استدعا ڪئي. شاهريز خان جي وڪيل سلمان اڪرم راجه عدالت ۾ جسماني ريمانڊ ڏيڻ جي مخالفت ڪئي، جنهن کان پوءِ عدالت فيصلو محفوظ ڪري ڇڏيو هو. بعد ۾ عدالت پوليس جي هڪ مهيني واري استدعا رد ڪندي شاه ريز خان جو 8 ڏينهن جو جسماني ريمانڊ منظور ڪري ڇڏيو. ياد رهي ته عليمه خان گذريل ڏينهن الزام هنيو هو ته چار سادن ڪپڙن وارا هٿياربند نقاب پوش ماڻهن سندن پٽ شاه ريز کي اغوا ڪري ويا هئا. بعد ۾ پوليس عليمه خان جي پٽ شاه ريز کي گرفتار ڪرڻ جي تصديق ڪئي، پوليس عملدارن موجب شاه ريز کي 9 مئي 2023 جي ڪيسن ۾ گرفتار ڪيو ويو آهي.ھوڏانھن پوليس 9 مئي جي ڪيس ۾ پي ٽي آءِ جي باني عمران خان جي ڀيڻ عليما خان جي ٻئي پٽ کي به حراست ۾ وٺي ڇڏيو آهي.ايس ايس پي انويسٽيگيشن جو چوڻ آهي ته عليما خان جي پٽ شير شاهه کي 9 مئي جي ڪيسن ۾ حراست ۾ ورتو ويو آهي ۽ هو معاملي جي جاچ ڪري رهيو آهي.خانداني ذريعن جو چوڻ آهي ته جڏهن شير شاهه کي حراست ۾ ورتو ويو ته هو پنهنجي پيءُ سان گڏ عدالت مان واپس اچي رهيو هو.خانداني ذريعن موجب گرفتار ٿيل اهي ئي هئا جن ڪالهه عليما خان جي وڏي پٽ شاهه رزاق کي گرفتار ڪيو هو، جڏهن ته پوليس به موقعي تي موجود هئي.
