اسلام آباد(بيورو رپورٽ)اڳوڻي صدر آصف علي زرداري سانحي جي بهادر شهيدن کي خراج عقيدت پيش ڪيو آهي.سانحي کي 15 سال مڪمل ٿيڻ تي پنهنجي خاص پيغام ۾ آصف زرداري چيو ته جيالن بم ڌماڪن جي خوف کان سواءِ پنهنجي عظيم ڀيڻ ۽ قائد جي حفاظت ڪئي.هن چيو ته اڄ جمهوريت محترمه بينظير ڀٽو شهيد ۽ سندس هزارين پوئلڳن جي رت سان قائم آهي.هن وڌيڪ چيو ته پ پ محترمه بينظير ڀٽو شهيد جي مشن کي پورو ڪندي 1973ع جي آئين کي اصل شڪل ۾ بحال ڪيو، 18هين آئيني ترميم ملڪ جي سالميت ۽ بقا جي ضمانت آهي.هن چيو ته پ پ سوات ۾ ٻيهر قومي جهنڊو بلند ڪيو، صوبن کي خودمختياري ڏني، گلگت بلتستان ۽ ڪي پي ڪي جي عوام کي سڃاڻپ ڏني، بينظير انڪم سپورٽ پروگرام ذريعي غريب ۽ مستحق عورتن کي رياست جي ميون ۾ حصو ڏنو. اسان جي جدوجهد ان روشن صبح لاءِ آهي جڏهن هر نوجوان کي روزگار ملندو.آصف زرداري جو چوڻ آهي ته معاشي ۽ سماجي طور ڪمزور طبقن کي معاشي ۽ سماجي انصاف فراهم ڪيو ويندو، اڄ ملڪ جو پٺتي پيل علائقو ٿر جي ڪوئلي مان بجلي پيدا ڪري رهيو آهي، ٿر اهو ٻڌائي رهيو آهي ته هو ملڪ جي روشني ۾ پنهنجو ڪردار ادا ڪري رهيا آهن. محترمه بينظير ڀٽو شهيد جو خواب به هو.
