شاهپور جهانيان (ن س) صوفي درويش درگاهه سيد حاجن شاهه (نعري ڌڻي) جو ٽن ڏينهن واري عرس ۽ ميلي جون تقريبون پوريون ٿيون . ان موقعي تي منعقد ڪيل ملاکڙي جي مقابلي ۾ ميدان ماريندڙ پهلوانن ۾ گادي نشين سيد قائم علي شاهه لڪياري جي پٽ سيد شفيع محمد شاهه ۽ ٻين انعام ورهايا. ان موقعي تي فقير حاجن سومرو ، رئيس اصغر سولنگي ، صوفي غلام مصطفيٰ ڪانڌڙو ، رئيس محمد حسن زرداري ، انڪم ٽيڪس آفيسر غلام قادر چنڊ ، غلام حسين چنڊ ، وڏيري شاهد چنڊ ، استاد عبدالمجيد چنڊ ، سڪندر چنڊ ، اياز چنڊ ، فدا چنڊ ، جاويد چنڊ ، گل حسن چنڊ ، عاشق چنڊ ، محمد عيسيٰ سنگراسي ، حافظ ادريس چنڊ ، جوسي واهي ملهه شوقينن ممتاز لغاري ، حاجي رمضان وگهيو ، صحافي ظفر ٻگهيو ، اسد ٻگهيو ، سيف سنڌي ، اشرف ٻگهيو ، سڄڻ ٻگهيو ۽ ٻيا به شريڪ ٿيا. پهرئين جوڙ ۾ قربان هوٿيپوٽو ، جان محمد لنڊ کي ٻئي ملهون دسي مٿس رکيل 7 هزار روڪ انعام کٽي ميدان جو مور بڻجي ويو.
ٻئين جوڙ ۾ علي خان سولنگي ، الله ورايو سوهو کي ڦيرائي ڦيرائي اهڙو ڌڪ ڏنو جو هو بيهوش ٿي ويو ، ٻئين جوڙ ۾ کٽيندڙ ملهه پهلوان کي 5 هزار روڪ انعام طور ڏنو ويو ، ٽئين جوڙ ۾ منٺار ماڇي ، امداد ملاح کي ملهه ماري 4 هزار روڪ انعام کٽي ورتو . درگاهه تي ايندڙ عقيدتمندن ۽ مريدن خادمن لاءِ ميلي جا ٽئي ڏينهن رهائش توڙي کاڌي پيتي جو به بندوست ڪيو ويو هو.
