تهران (ويب ڊيسڪ) ايران مارجي ويل انٽيليجنس جي سربراهه جو ڀرپور بدلو وٺڻ جو اعلان ڪيو آهي. آمريڪا ۽ اسرائيل جي ايران خلاف جنگ جو اڄ 38 هون ڏينهن آهي. ايراني ميڊيا دعويٰ ڪئي آهي ته ايران جي خليج ۽ اسرائيل ۾ ڪيترن ئي هدفن کي نشانو بڻايو آهي، آپريشن وعدي صادق جي 97 هين لهر ۾ مختلف هنڌن کي نشانو بڻايوآهي. ايران ڪويت جي بوبيان ٻيٽ تي آمريڪي فوجين تي ڊرون حملو ڪيو آهي. اسرائيل ۽ آمريڪي حملن ۾ 15 ايراني جن ۾ 7 ٻار به شامل آهن، مارجي ويا آهن. لبنان تي به اسرائيلي حملا جاري آهن. جڏهن ته ايران جي اسرائيلي شهر حيفه تي ڪيل حملي ۾ 2 ڄڻا مارجي ويا آهن، حزب الله اسرائيل جي آبادڪارين هرفيش، شلومي ۽ نهريا تي حملا ڪيا آهن.
ايران پاران هرمز لنگهه جيان باب المندب بند ڪرڻ جي ڌمڪي
سپريم ليڊر مجتبيٰ خامنائي جي هڪ اهم صلاحڪار علي اڪبر ولايتي ڌمڪي ڏني آهي ته ايران جا اتحادي باب المندب جو سامونڊي لنگهه به بند ڪنداسين. هرمز جيان ڳاڙهي سمنڊ ۽ هندي سمنڊ جو 20 ميل سوڙهو دڳ اڳ ۾ به حوثين بند ڪيو ڪيو. ايران جو اڳوڻو پرڏيهي وزير ۽ تجربيڪار سفارتڪارعلي اڪبر ولايتي، جيڪو حڪومتي ڍانچي ۾ پنهنجي اثر رسوخ لاءِ سڃاتو وڃي ٿو، آچر تي X تي خبردار ڪيو ته: “مزاحمتي محاذ جي گڏيل قيادت باب المندب کي به هرمز لنگهه وانگر ڏسي ٿي.” هن لکيو ته: “جيڪڏهن وائيٽ هائوس پنهنجون بيوقوفاڻيون غلطيون ٻيهر ورجائڻ جي جرئت ڪندو، ته اهو جلد سمجهي ويندو ته عالمي توانائي ۽ واپار جي وهڪري کي صرف هڪ قدم سان متاثر ڪري سگهجي ٿو.” بعد ۾ ايران جي سرڪاري ميڊيا Press TV به هن خبرداري جي تصديق ڪئي۔
هرمز کوليو، اڱاري جي ڊيڊ لائين حتمي آهي، ان بعد ايران کي جهنم بڻائينداسين، ٽرمپ
آمريڪي صدر ڊونلڊ ٽرمپ، چيو آهي ته 45 ڏينهن جي جنگبندي جي تجويز کي ’تمام اهم‘ قرار ڏنو آهي. ايران جي مستقل جنگبندي بابت هن چيو ته اهو ناڪافي آهي. هن چيو ته هرمز لنگهه کولڻ لاءِ اڱاري جي ڊيڊ لائين حتمي آهي. جيڪڏهن ايران لنگهه نه کوليو ته بجلي گهرن ۽ پلين کي تباهه ڪنداسين. اها ڳالهه هن وائيٽ هائوس ۾ رپورٽرن سان ڳالهائيندي ڪئي. جنهن بعد هن پريس ڪانفرنس ڪئي جنهن ۾ تباهه ٿيل جهاز جي عملي جي ميمبر جي ريسڪيو آپريشن جا تفصيل ٻڌائيندي چيو ته ايران اندر هي هڪ ڪامياب ۽ دليراڻو آپريشن هو. هن فوج جي ڪردار، مهارت ۽ تياري جي تعريف ڪئي.
ايران جي ايٽمي پلانٽ تي حملا روڪيو، آئي اَي اِي سربراهه
گڏيل قومن جي نيوڪليئر واچ ڊاگ جي سربراهه خبردار ڪيو آھي ته ايران جي بوشهر جي نيوڪليئر پاور پلانٽ جي ويجھو حملا “نيوڪليئرسيفٽيءَ لاءِ تمام حقيقي خطرو پيدا ڪن ٿا ۽ ان کي روڪڻ گھرجي”۔ ھن چيو آھي ته ھلندڙ پلانٽ جي ويجھو حملن سان “ايران ۽ ان کان ٻاھر ماڻھن ۽ ماحول لاءِ نقصانڪار نتيجن سان گڏ سخت تابڪاري جو حادثو ٿي سگھي ٿو”۔ رافائل گروسّيءَ ايڪس تي لکيو آھي ته ھڪ تازي حملي ۾ پلانٽ جي حد کان صرف 75 ميٽر (246فٽ) پري ھنيو ويو آھي۔
ايران جي ‘MIT’ تي بمباريءَ جي مذمت
عباس عراقچيءَ اسرائيلي-امريڪي فوجن پاران تهران ۾ شريف يونيورسٽيءَ تي حملي جو الزام لڳايو آھي، ۽ چيو آھي ته ھن جڳھ کي ٻين يونيورسٽين تي پھريان ٿيل حملن کان پوءِ نشانو بنايو ويو آھي۔ ھن ايڪس (سابق ٽوئيٽر) تي لکيو آھي: ”اسرائيلي-امريڪي جارحيت پسندن ايران جي ميساچوسٽس انسٽيٽيوٽ آف ٽيڪنالاجي (MIT) کي بم ھنيو آھي،“ ۽ يونيورسٽيءَ ۾ تباھيءَ جون تصويرون پڻ شيئر ڪيون آھن۔ ”جارحيت پسند اسان جي طاقت جو مشاھدو ڪندا۔“
پيٽروڪيميڪل ڪمپليڪس تي حملو ڪيو آهي، اسرائيل
اسرائيل جي بچاءَ واري وزير ’اسرائيل ڪاٽز ‘هڪ بيان ۾ چيو آهي ته اسرائيلي فوج ايران جي هڪ وڏي پيٽروڪيميڪل تنصيب کي نشانو بڻايو آهي۔ هن چيو ته فوج کي هدايت ڏني وئي آهي ته اها ايران جي انفراسٽرڪچر تي “پوري طاقت سان” حملا جاري رکي۔ وزير دفاع موجب، اسرائيلي فوجن اساليه ۾ واقع ايران جي سڀ کان وڏي پيٽروڪيميڪل تنصيب تي وڏو حملو ڪيو آهي۔ هن وڌيڪ چيو ته گذريل هفتي هڪ ٻي تنصيب تي به حملو ڪيو ويو هو۔ بيان ۾ چيو ويو آهي ته “هاڻي اهي ٻئي تنصيبات، جيڪي گڏجي ايران جي لڳ ڀڳ 85 سيڪڙو پيٽروڪيميڪل برآمدات جو سبب هيون، سروس کان ٻاهر ٿي ويون آهن ۽ ڪم نٿيون ڪن.” اسرائيل ڪاٽز ٻڌايو ته اساليه ۾ موجود اها تنصيب ملڪ جي لڳ ڀڳ اڌ پيٽروڪيميڪل پيداوار ڪندي هئي۔ نيم سرڪاري ايراني خبر ايجنسي تسنيم پڻ رپورٽ ڪيو آهي ته ٻن پيٽروڪيميڪل ڪمپنين تي حملا ڪيا ويا آهن۔ تسنيم بوشهر جي هڪ نائب گورنر جي حوالي سان ٻڌايو آهي ته حملن کان پوءِ نقصان جو مڪمل اندازو لڳائڻ جو عمل اڃا جاري آهي۔ خبر موجب ڪيترن ئي پيٽروڪيميڪل پيداواري يونٽن کي نقصان پهتو آهي، جڏهن ته ڪنهن به جاني نقصان جي اطلاع ناهي ملي۔
سويلين انفرا اسٽرڪچر تي حملا غير قانوني آهن، يورپي يونين
يورپي يونين جي سربراهه انتونيو ڪوسٽا چيو آهي ته جنگ دوران شهري ڍانچن يعني سويلين انفرا اسٽرڪچر تي حملا ڪرڻ غيرقانوني آهي. اي ايف پي موجب هن سوشل ميڊيا تي ڪيل پوسٽ ۾ وڌيڪ چيو ته “شهري ڍانچن، خاص ڪري توانائي جي سهولتن کي نشانو بڻائڻ غيرقانوني ۽ ناقابلِ قبول آهي.” هن وڌيڪ چيو ته “اهو اصول روس جي يوڪرين خلاف جنگ تي به لاڳو ٿئي ٿو ۽ هر هنڌ لاڳو ٿئي ٿو. ايراني شهري آبادي پاڻ ايراني حڪومت جي سڀ کان وڏي متاثر آهي. جيڪڏهن فوجي مهم وڌيڪ وڌي ته به اها ئي سڀ کان وڏي متاثر ٿيندي.” هن چيو ته “يورپي يونين ايران کي اپيل ڪري ٿي ته هو فوري طور علائقي جي ملڪن خلاف پنهنجا حملا بند ڪري ۽ آبنائي هرمز مان مڪمل آزادي سان جهازن جي آمدرفت بحال ڪرڻ جي اجازت ڏئي.” هن وڌيڪ چيو ته “وچ اوڀر ۾ پنج هفتن جي جنگ کانپوءِ، اهو واضح آهي ته رڳو سفارتي حل ئي هن تڪرار جي بنيادي سببن کي حل ڪري سگهي ٿو.”
جنگبندي لاءِ ايران ۽ آمريڪا کي نئون منصوبو پيش، فيلڊ مارشل جا رات ڀر رابطا
آمريڪا ۽ ايران کي جنگ ختم ڪرڻ لاءِ هڪ منصوبي جو خاڪو ملي ويو آهي، پر ايران صدر ڊونلڊ ٽرمپ جي ان ڌمڪي کانپوءِ، جنهن ۾ هن چيو هو ته جيڪڏهن اڱاري جي آخر تائين ڪو معاهدو نه ٿيو ته تهران کي “جهنم” بڻائيندو، آبنائي هرمز کي فوري طور ٻيهر کولڻ کان انڪار ڪري ڇڏيو آهي۔ نئين امن واري منصوبي ۾ ٻن مرحلن وارو طريقو شامل آهي: پهرين مرحلي ۾ فوري جنگبندي، پوءِ 15 کان 20 ڏينهن اندر هڪ جامع معاهدو طئي ڪرڻ، اهڙي تجويز بابت ڄاڻ رکندڙ هڪ ذريعي سومر تي رائٽر کي ٻڌايو۔ ذريعن موجب، پاڪستان جي فوجي سربراهه فيلڊ مارشل عاصم منير سڄي رات آمريڪي نائب صدر جَي ڊي وينس، خاص نمائندي اسٽيو وِٽڪوف ۽ ايراني پرڏيهي وزير عباس عراقچي سان رابطي ۾ رهيو۔ هڪ سينيئر ايراني اهلڪار رائٽرز کي ٻڌايو ته ايران عارضي جنگبندي جي حصي طور آبنائي هرمز کي نه کوليندو، ۽ هو تجويز جو جائزو وٺندي ڪنهن به آخري تاريخ کي قبول نه ڪندو۔ اهلڪار موجب واشنگٽن وٽ مستقل جنگبندي لاءِ تياري موجود ناهي۔
آڪسيوس ويب سائيٽ آچر تي پهريون ڀيرو رپورٽ ڏني ته آمريڪا، ايران ۽ علائقائي ثالث هڪ ممڪنه 45 ڏينهن جي جنگبندي تي ڳالهه ٻولهه ڪري رهيا آهن، جيڪا ٻن مرحلن واري معاهدي جو حصو ٿي سگهي ٿي ۽ آخرڪار جنگ جي مستقل خاتمي ڏانهن وٺي وڃي سگهي ٿي، جنهن جو حوالو آمريڪي، اسرائيلي ۽ علائقائي ذريعن ڏنو۔
ٽرمپ چوي ٿو ته اڱاري تائين معاهدو ٿيڻ لازمي آهي
آچر تي پنهنجي Truth Social پليٽفارم تي هڪ سخت لهجي واري پوسٽ ۾، ٽرمپ چيو هو ته اڱاري تي شام 8 وڳي ايسٽرن ٽائيم تائين هرمز لنگهه نه کوليو ته ايران جي توانائي ۽ ٽرانسپورٽ ڍانچي تي وڌيڪ حملا ڪنداسين. اڳ ۾ سومر جي ڊيڊ لائين هئي جنهن ۾ هن 24 ڪلاڪ واڌ ڪئي آهي.
سومر تي علائقي ۾ نوان هوائي حملا رپورٽ ٿيا آهن، جڏهن ته پنجن هفتن کان وڌيڪ وقت ٿي ويو آهي جو آمريڪا ۽ اسرائيل ايران تي حملا ڪري رهيا آهن، جنهن ۾ هزارين ماڻهو مارجي چڪا آهن ۽ تيل جي قيمتن ۾ واڌ سبب معيشتن کي نقصان پهتو آهي۔
ايران انهن حملن جي جواب ۾ عملي طور آبنائي هرمز کي بند ڪري ڇڏيو، جيڪو دنيا جي لڳ ڀڳ پنجين حصي جي تيل ۽ قدرتي گئس جي فراهمي جو اهم رستو آهي، ۽ هن اسرائيل، آمريڪي فوجي اڏن ۽ خليج جي چوڌاري توانائي جي ڍانچي تي حملا به ڪيا۔
ايراني انٽيليجنس چيف ماجد خادمي مارجي ويو
ايراني پاسدارانِ انقلاب تصديق ڪئي آهي ته آمريڪا ۽ اسرائيل جي حملن ۾ ان جو انٽيليجنس چيف مارجي ويو آهي۔ پاسدارانِ انقلاب موجب، ماجد خادمي کي سومر جي صبح آمريڪي ۽ اسرائيلي فوجن نشانو بڻايو۔ ماجد خادمي کي گذريل سال جون ۾ پاسدارانِ انقلاب فورس جو انٽيليجنس چيف مقرر ڪيو ويو هو. ان وقت ان جو سربراهه محمد ڪاظمي اسرائيلي حملي ۾ مارجي ويو هو۔ خادمي هن سال ايران ۾ ٿيندڙ حڪومت مخالف مظاهرن کي هوا ڏيڻ جو الزام آمريڪا ۽ اسرائيل تي لڳايو هو۔
عراقي باغين آمريڪي فوجي اڏن تي حملا وڌائي ڇڏيا
بغداد: عراقي باغين علائقي ۾ آمريڪي اڏن تي پنهنجا حملا وڌائي ڇڏيا آهن.ايراني ٽي وي موجب، عراقي باغي ڪويت، اردن ۽ شام ۾ آمريڪي اڏن تي حملا ڪري رهيا آهن.ڪتائب حزب الله عراق جي سيڪريٽري جنرل ابو حسين الحميدوي جو چوڻ آهي ته سيڪيورٽي سڀني لاءِ هوندي يا ڪنهن لاءِ نه. جيڪڏهن آبنائے هرمز کي طاقت سان کولڻ جي ڪوشش ڪئي وئي ته تيل ۽ گئس غائب ٿي ويندا.ابو حسين الحميدوي چيو ته آيت الله خامنه اي جي شهادت جي معافي ممڪن ناهي.
تهران تي آمريڪي ۽ اسرائيلي حملن ۾ 6 ٻار شهيد
ايراني نيوز ايجنسي جو چوڻ آهي ته تهران تي آمريڪي ۽ اسرائيلي حملن ۾ 6 ٻار شهيد ٿيا.ٻئي طرف، اسرائيلي ميڊيا جو چوڻ آهي ته ايراني حملن ۾ مرڪزي اسرائيل ۾ گهٽ ۾ گهٽ 15 هنڌن کي نقصان پهتو.
آمريڪا، ايران ۽ علائقائي ثالثن جو گروپ 45 ڏينهن جي جنگ بندي جي شرطن تي بحث: آمريڪي ميڊيا
آمريڪي ميڊيا جو چوڻ آهي ته آمريڪا، ايران ۽ علائقائي ثالثن جو هڪ گروپ ممڪن 45 ڏينهن جي جنگ بندي جي شرطن تي بحث ڪري رهيا آهن.آمريڪي ويب سائيٽ ذريعن کان دعويٰ ڪري ٿي ته آمريڪا، ايران ۽ علائقائي ثالثن جو هڪ گروپ ممڪن 45 ڏينهن جي جنگ بندي جي شرطن تي بحث ڪري رهيا آهن جيڪو جنگ جي مستقل خاتمي جو سبب بڻجي سگهي ٿو.ذريعن جو چوڻ آهي ته ايندڙ 48 ڪلاڪن ۾ جزوي معاهدي تي پهچڻ جا امڪان گهٽ آهن، پر هي آخري ڪوشش جنگ جي واڌ کي روڪڻ جو واحد موقعو آهي.آمريڪي ميڊيا جي رپورٽ ۾ چيو ويو آهي ته ثالث ٻن مرحلن واري معاهدي جي شرطن تي بحث ڪري رهيا آهن، پهريون مرحلو ممڪن 45 ڏينهن جي جنگ بندي هوندو، جنهن دوران جنگ جي مستقل خاتمي تي بحث ڪيو ويندو.رپورٽ موجب، ٻيو مرحلو جنگ جي خاتمي تي هڪ معاهدو هوندو، جيڪڏهن ڳالهين لاءِ اضافي وقت جي ضرورت هجي ته جنگ بندي کي وڌائي سگهجي ٿو.نيوز ايجنسي جو چوڻ آهي ته وائيٽ هائوس ۽ آمريڪي اسٽيٽ ڊپارٽمينٽ رپورٽ تي تبصرو ڪرڻ کان انڪار ڪري ڇڏيو آهي.
يو اي اي ۾ حملي ۾ 25 آمريڪي فوجي مارجي ويا يا زخمي ٿيا آهن، ايران جو دعويٰ
ايران هڪ ڀيرو ٻيهر گڏيل عرب امارات ۾ آمريڪي فوجين تي حملو ڪيو آهي.ايراني فوجي ترجمان دعويٰ ڪئي آهي ته يو اي اي ۾ ايران جي حملي ۾ 25 آمريڪي فوجي مارجي ويا يا زخمي ٿيا.ٻئي طرف، ايران جي خاتم الانبياء سينٽرل هيڊ ڪوارٽر جي ترجمان ابراهيم ذولفقاري صدر ٽرمپ جي ڌمڪي واري بيان جو جواب ڏيندي چيو ته آمريڪي صدر ۽ شڪست کاڌل فوج جي بي عزتي صرف حڪمت عملي سان ختم نه ٿيندي. ابراهيم ذوالفقاري چيو ته زباني پروپيگنڊا جي ڪا به مقدار آمريڪا جي شڪست جي شرم کي ختم نه ڪري سگهندي.
ايران جي اجازت سان گذريل 24 ڪلاڪن ۾ 15 جهاز هرمز مان گذريا
ايراني ميڊيا جو چوڻ آهي ته ايران جي اجازت سان گذريل 24 ڪلاڪن ۾ 15 جهاز آبنائے هرمز مان گذريا آهن.ايراني ميڊيا موجب، هي انگ جنگ شروع ٿيڻ کان اڳ جي ڀيٽ ۾ 90 سيڪڙو گهٽ آهي.
اردن پنهنجي هوائي حدن ۾ 2 ايراني ميزائل ۽ 2 ڊرون ڪيرايا
اردن جي فوج موجب، ايران پاران لانچ ڪيل 2 ميزائل ۽ 2 ڊرون گذريل 24 ڪلاڪن دوران اردن جي هوائي حدن ۾ ڪيرايا ويا.اردن نيوز ايجنسي پاران جاري ڪيل هڪ بيان ۾، پبلڪ سيڪيورٽي ڊائريڪٽوريٽ جي ترجمان چيو ته ساڳئي عرصي دوران ملبي ۽ پروجيڪٽائل ڪرڻ جي 18 رپورٽن تي پڻ عمل ڪيو ويو.ترجمان جي مطابق، ڪو به جاني نقصان نه ٿيو، پر ڪجهه هنڌن تي مادي نقصان ٿيو.
آمريڪا ٻي غلطي ڪئي ته عالمي توانائي ۽ واپار جو وهڪرو هڪ ئي ڌڪ سان مفلوج ٿي سگهي ٿو: ايران
آمريڪي صدر ڊونلڊ ٽرمپ جي غير اخلاقي ۽ ڌمڪي واري بيان تي ايران جو سخت رد عمل سامهون آيو آهي.ايراني سپريم ليڊر آيت الله مجتبيٰ خامنه اي جي سينئر صلاحڪار علي اڪبر ولايتي چيو آهي ته مزاحمتي محاذ جي گڏيل ڪمانڊ باب المندب کي هرمز جي آبنائي طور ڏسي ٿي. جيڪڏهن آمريڪا ٻي غلطي ڪري ٿو ته عالمي توانائي ۽ واپار جو وهڪرو هڪ ئي ڌڪ سان مفلوج ٿي سگهي ٿو.ايراني عدليه چيو آهي ته ايران جي ثابت قدمي ۽ مزاحمت ٽرمپ کي چريو ڪري ڇڏيو آهي، ۽ حيران آمريڪي صدر کي بيوقوفي ۽ توهين آميز ٻولي استعمال ڪرڻ تي مجبور ڪيو ويو آهي.ايراني نائب صدر محمد رضا عارف چيو ته ٽرمپ، جيڪو پنهنجي ماڻهن جي ڀلائي کي قربان ڪري ٻين کي خطرو ڪري ٿو، پٿر جي دور ۾ ڦاسي پيو آهي.
