ڪراچي (ويب ڊيسڪ) گڏيل قومن جي ترقياتي اداري يعني يو اين ڊي پي پنهنجي ابتدائي جائزي ۾ چيو آهي ته ڪورونا سبب ترقي پذير ملڪن کي 22 ڪروڙ دالر جي نقصان جو انديشو آهي. جاري ڪيل بيان ۾ چيو ويو آهي ته ننڍي مدت جي حوالي سان ڪاروباري نقصان وقت گذرڻ سان وڌندو ۽ انهن ملڪن ۾ معاشي ۽ معاشرتي نقصان به وڌي ويندو. بيان ۾ چيو ويو آهي ته 55 سيڪڙو آبادي کي معاشرتي تحفظ حاصل ناهي. جنهن سبب تعليم، ترقي، انساني حقن جي سنگين صورتحال ۽ بنيادي غذائي تحفظ جو به مسئلو وڌي ويندو. ترقي پذير ملڪن ۾ 75 سيڪڙو آبادي کي صابڻ ۽ پاڻي جو به وڏو مسئلو آهي. يو اين ڊي پي چيو آهي ته 100 ملڪن ۾ فوري مسئلن کي منهن ڏيڻ لاءِ 50 ڪروڙ ڊالر جي ضرورت آهي.
