اسلام آباد(بيورو رپورٽ)پاڪستان پيپلز پارٽي جي اڳواڻ شيري رحمان چيو آهي ته بلاول ڀٽو ماضي جي نه پر مستقبل جي سياست ڪري رهيو آهي، بيان ۾ چيو ته بلاول ڀٽو زرداري ملڪ خلاف نفرت، ورهاڱي ۽ انتقام جي سياست کي ختم ڪرڻ لاءِ سچ ۽ مفاهمت جو مطالبو ڪيو آهي.شيري رحمان جو چوڻ آهي ته ٻن هفتن کانپوءِ ٿيندڙ چونڊن ۾ ملڪ ۽ ان جي مستقبل جو فيصلو عوام کي ڪرڻو آهي.سندس چوڻ آهي ته کيس يقين آهي ته عوام قومي ۽ عوامي مسئلن جي حل لاءِ پيپلز پارٽي ۽ بلاول ڀٽو کي ئي چونڊيندو. پيپلز پارٽي جي اڳواڻ چيو ته پيپلز پارٽي واحد پارٽي آهي جيڪا ملڪ ۽ عوام کي درپيش مسئلا حل ڪرڻ جي صلاحيت رکي ٿي.هن وڌيڪ چيو ته پارٽي ان ڳالهه کي يقيني بڻائيندي ته اقتدار ۾ اچڻ کانپوءِ دهشتگردي ٻيهر جنم نه وٺي.شيري رحمان جو اهو به چوڻ آهي ته بلاول ڀٽو زرداري واحد سياسي اڳواڻ آهي جيڪو هر شهر ۾ پنهنجي منشور سان عوام کي خطاب ڪري رهيو آهي.
