لاهور(ويب ڊيسڪ)لاهور هاءِ ڪورٽ پاڪستان پينل ڪوڊ جي سيڪشن 124 اي کي ملڪ سان غداري ڪرڻ تي ڪالعدم قرار ڏئي ڇڏيو.لاهور هاءِ ڪورٽ پاڪستان پينل ڪوڊ جي سيڊيشن ايڪٽ جي سيڪشن 124 اي کي ڪالعدم قرار ڏيندي حڪومت خلاف ڳالهائڻ وارن خلاف بغاوت جي شقن تحت ڪيس داخل ڪرڻ جو حڪم ڏئي ڇڏيو آهي. جسٽس شاهد ڪريم سليمان ابوذر نيازي ۽ ٻين جي درخواستن تي محفوظ ڪيل فيصلو ٻڌايو. درخواستگذار جي وڪيل چيو ته سيڊيشن ايڪٽ 1860ع ۾ ٺاهيو ويو جيڪو انگريزن جي دور جي نشاني آهي، سيڊيشن ايڪٽ غلامن لاءِ استعمال ٿيندو هو، ڪو چوي ته به ڪيس داخل ڪيو ويندو آهي. درخواست ۾ موقف اختيار ڪيو ويو ته پاڪستان جو آئين هر شهري کي اظهار جي آزادي جو حق ڏئي ٿو پر ان جي باوجود حڪمرانن خلاف ڳالهائڻ تي آرٽيڪل 124 اي لاڳو ڪيو وڃي ٿو. درخواستگذار سليمان ابو زر چيو ته سيڊيشن ايڪٽ اڃا به سياسي مقصدن لاءِ استعمال ٿي رهيو آهي، حڪومت خلاف تقريرن تي سيڪشن 124 اي لاڳو ڪرڻ اظهار جي آزادي جي خلاف آهي.
