ممبئي(ويب ڊيسڪ) بيگ باس 17 جي فاتح منور فاروقي کي پوليس هڪ حق بار تي ڇاپو هڻي حراست ۾ ورتو آهي.ڀارتي ميڊيا موجب پوليس جو چوڻ آهي ته ممبئي ۾ هڪ غير قانوني فراڊ بار هلي رهيو هو، جنهن تي ڪارروائي ڪئي وئي، جنهن دوران اسٽينڊ اپ ڪاميڊين ۽ بگ باس 17 اسٽار منور فاروقي سميت 14 ماڻهن کي حراست ۾ ورتو ويو آهي.ڀارتي ميڊيا موجب ڇاپي دوران 13 هزار رپين کان وڌيڪ ماليت جون 9 شيون ۽ ڪجهه نقدي هٿ ڪئي وئي آهي، جڏهن ته سگريٽ اينڊ ٻين ٽوبيڪو پراڊڪٽس ايڪٽ جي تحت ڪيس داخل ڪيو ويو آهي.پوليس جو چوڻ آهي ته منور فاروقي ۽ ٻين کي هيڪاندو پڪڙيو ويو، جن کي نوٽيس ڏيڻ بعد آزاد ڪيو ويو.
