ڀريا سٽي (ن سنڌيار)محراب پور واسڻ ناري طاهرا شيدي جو مڙس جي مبينا زيادتيـن ۽ تشدد خلاف احتجاجي مظاھرو مڙس مارڪٽ ڪندو ھو جنھن ڪري گھران نڪري ڪراچي جي عدالت ۾ خلع لاءِ درخواست داخل ڪئي آھي مڙس ۽ مائٽ جان جا دشمن بڻجي ويا آھن. ڪراچي مان ويڊيو لنڪ ذريعي ڀرياسٽي پريس ڪلب جي صحافين سان ڳالھائيندي هن چيو تـ 4 مھينا اڳ منھنجي پيءُ يار محمد شيدي پئسن عيوض زبردستي منھنجي شادي محراب پور واسي الاھي بخش شيدي سان ڪرائي جنھن ۾ منھنجي رضامندي شامل نــ ھئي منھنجو مڙس مون تي تشدد ۽ سخت مارڪٽ ڪندو ھو اھڙي شڪايت ڪافي ڀيرا مون پنھنجي والدين کي پڻ ڏني پر ھو خاموش رھيا ان ڪري مان تشدد کان تنگ اچي پنھنجو گھر ڇڏي ڪراچي ۾ رھان ٿي مون کي ڪنھن بـ اغوا نـ ڪيو آھي مون سٽي ڪورٽ ڪراچي۾ خلع لا۽ درخواست ڏني آھي جڏھن تـ منھنجا مائٽ ڀاءُ طيب شيدي چاچو بخش علي ۽ منھنجو ڀيڻويو وسيم ٻرڙو مون کي مارڻ چاھين ٿا منھنجي زندگي کي سخت خطرو آھي. ھن چيف جسٽس ۽ ٻين کان مطالبو ڪيو آھي تـ مون کي تحفظ فراھم ڪيو وڃي.
