غوثپور(رپورٽ عبدالنبي ملڪ)ڌاڙيلن 30 ڍور ۽ 3 هٿيارن بدلي چاچڙ برادري جي قتل ٿيل شخص جو لاش وارثن حوالي ڪري ڇڏيو. ڳوٺ ڄام سونھارو چاچڙ ۾ ھٿياربندن طرفان جھيڙي ۾ مارجي ويل ڳوٺاڻي پيزو عرف عبدالرشيد چاچڙ جي لاش جو سودو ٿي ويو۔ ڏوھاري جيئند جاگيراڻي لاش جي بدلي 30 ڍور ۽ ٽي ھٿيار وٺي لاش وارثن حوالي ڪري ڇڏيو۔ ان کان اڳ راڄوڻي ڪوششن لا۽ ويل معززين کي هن موٽائي ڇڏيو هو. ياد رهي ته 3 ڏينهن اڳ ڳوٺ تي ٿيل حملي ۾ ڌاڙيل جيئند جاگيراڻي ۽ سبزوئين جي ٽولن حملو ڪري 3 ڄڻن کي قتل ڪيو هو، هڪ شخص جو لاش هو پاڻ سان گڏ کڻي ويا هئا.
جنهن بابت به چيو وڃي ٿو ته هو ڏوهاري هو ۽ اڳ ۾ پنهنجي خاندان ۽ برادري جي قتل ٿيل 10 ڄڻن جي پلاند جي رٿا بندي ڪري رهيو هو. ڌاڙيلن جي ٽولن اڳ ۾ ساڳئي ڳوٺ جي 10 ڄڻن کي قتل ڪيو هو.