حڪومت پاران امتحان 15 جون تائين ملتوي ڪرڻ جو اعلان

اسلام آباد (بيورو رپورٽ) تعليم واري وفاقي وزير شفقت محمود ملڪ جَي سمورن تعليمي ادارن ۾ رٿيل امتحان 15 جُون تائين ملتوي ڪرڻ جو اعلان ڪيو آهي. هن چيو ته  15 جُون تائين ڪنهن به قسم جا امتحان نه ٿيندا، او ليول جا امتحان آڪٽوبر ۾ ٿيندا، جن ٻارن جو تعليمي سال ضايع ٿيڻ جو خدشو آهي، اُنهن لاءِ خصوصي امتحان جو فيصلو ٿيو آهي، خصوصي امتحان ۾ به امتحاني ڪمري ۾ 50 کان گهٽ ٻارن کي ويهاريو ويندو، هن چيو ته مئي جي ٽئين هفتي ۾ ٻيهر صورتحال جو جائزو ورتو ويندو. شفقت محمود چيو ته نائين ، ڏهين ، يارهين ۽ ٻارهين جا امتحان جولاءِ ۽ آگسٽ تائين ٿي سگهن ٿا ۽ يونيورسٽين ۾ داخلائون جنوري تائين جاري رهنديون.

پهنجو تبصرو موڪليو