پنوعاقل (رپورٽ سنتوش ڪمار) پنوعاقل ڀرسان قومي شاھراھ تي تيز رفتار مزدا ڪلٽي، ھڪ ئي خاندان جي 7 معصوم ٻارڙن سميت 11 ڄڻا فوت، 4 ڄڻا زخمي، اسپتال ۾ ايمرجنسي لاڳو، سمورا لاش ۽ زخمي تعلقہ اسپتال آندا ويا. سانگي ٿاڻي ويجھو قومي شاھراھ تي لاھور کان ڪراچي ويندڙ مزدا ڪمند سان ڀريل ٽريڪٽر ٽرالي کي اوورٽيڪ ڪندي ڪلٽيون کائي کاھي ۾ ڪري پئي، جنھن سبب مزدا ۾ سوار معصوم ٻارڙا ۽ عورتون فوت ٿي ويون.جڏھن ته مھڪ، فرزانا ساجد، يعقوب ء آصف زخمي ٿي پيا، اطلاع تي سانگي پوليس ۽ ايڌي جا رضاڪار واقعي واري هنڌ پھچي ويا، سمورن زخمين ۽ فوتين کي تعلقه اسپتال پنوعاقل آندو ويو، جتي زخمين کي طبي امداد ڏني وئي، معصوم ٻارڙن ۽ عورتن جا لاش اسپتال پھچڻ تي سوين شھري گڏ ٿي ويا، ھوڏانھن اسپتال ۾ ايمرجنسي لاڳو ڪري سمورن ڊاڪٽرن کي ايمرجنسي صورتحال ۾ گھرايو ويو، 11 لاش اسپتال پھچڻ تي سوڳ وارو ماحول ڇائنجي ويو.
