ڪراچي (اسٽاف رپورٽر)ڪراچي جي ميئر مرتضيٰ وهاب جو چوڻ آهي ته محبوب توهان جي پيرن جو علاج ۽ ڊاڪٽر جي اشتهارن جو هاڻي علاج ڪرايو ويندو، روڊن کي نقصان پهچائڻ وارن خلاف ڪارروائي ڪئي ويندي. شارع فيصل جي خوبصورتي ۽ بهتري واري منصوبي جي پيڙهه جو پٿر رکڻ واري تقريب کي خطاب ڪندي ميئر ڪراچي مرتضيٰ وهاب چيو ته شارع فيصل جي حالت ڪجهه سال اڳ تائين تمام خراب هئي، پيپلزپارٽي جي حڪومت شارع فيصل جي نيڪال کي بهتر بڻائڻ جو فيصلو ڪيو هو، نوان نيڪال ڪيا ويا. مختلف هنڌن تي پليون لڳايون ويون، گذريل برساتن دوران شارع فيصل تي برساتي پاڻي جمع نه ٿيو.مرتضيٰ وهاب چيو ته هاڻي شارع فيصل تي ڪنهن به سياسي پارٽي جو جهنڊو نظر نه ايندو. اسان شارع فيصل تان پنهنجي پارٽي سميت سمورين سياسي پارٽين جا جھنڊا لاهي ڇڏيا. وال چاڪنگ، محبوب تنهنجي پيرن تي، علاج ڪندڙ طبيب جي اشتهارن خلاف هاڻي ڪارروائي ڪنداسين، روڊن کي نقصان پهچائڻ وارن خلاف ڪارروائي ڪئي ويندي.
