ڪينڊي(ويب ڊيسڪ)پاليڪيلي اسٽيڊيم ۾ سريلنڪا ٽاس کٽي آسٽريليا کي بيٽنگ جي دعوت ڏني. آسٽريليا 20 اوورن ۾181 رنز ٺاهيون. سريلنڪا 18 اوورن ۾ 184 رنسون ٺاهي آسٽريليا کي 8 وڪيٽن تان شڪست ڏني. آسٽريليا جو سپر ايٽ ۾ پهچڻ مشڪل ٿي ويو آهي. سريلنڪا جي اوپنرن پاسم نسانڪا ۽ ڪسال پريرا اننگ جي شروعات ڪئي، پريرا 3 بال کيڏي هڪ رن ٺاهي مارڪس اسٽائنز جي بال تي ناٿن ايلس هٿان ڪيچ ٿي ويو. جنهن بعد نسانڪا ۽ ڪسال مينڊس زبردست اسٽروڪ کيڏندي پنهنجون ففٽيون مڪمل ڪيون. 105 جي مجموعي اسڪور تي سريلنڪا جي ٻئي وڪيٽ ان وقت ڪري جڏهن وڪٽ ڪيپر بيٽر مينڊس 38 بالن تي 51 رنسون ٺاهي مارڪس اسٽائنز جي بال تي ڪوپر ڪونولي هٿان ڪيچ ٿيو. جنهن بعد پون رٿنائڪي آيو جنهن ابتدائي بالن تي بيڪ ٽو بيڪ چوڪا هنيا. نسانڪا52 بالن تي سينچري مڪمل ڪري ناٽ آئوٽ رهيو، هن 5 ڇڪا ۽ 10 چوڪا هنيا. پون 15 بالن تي 28 رنز تي ناٽ آئوٽ رهيو.
ان کان اڳ آسٽريليا جي ٻنهي اوپنرز زبردست اسٽروڪ کيڏندي ففٽيون مڪمل ڪيون. نائين اوور ۾ٽريوس هيڊ 104 جي مجموعي اسڪور تي 3 ڇڪا ۽ 7 چوڪا هني 29 بالن تي 56 رنز ٺاهي همانٿا جي بال تي ڪمندو مينڊس هٿان ڪيچ ٿيو، ڪپتان مچل مارس کي به دشان همانٿا ايل بي ڊبليو ڪيو، هن بن ڇڪن ۽ 8 چوڪن جي ميدد سان 27 بالن تي 54 رنز ٺاهيون.ڪيمرون گرين3، ۽ تم ڊيوڊ 6 رنسون ٺاهي ڪيچ آئوٽ ٿيا. جوش انگلس 27، ميڪسويل 22 رنسون ٺاهيون باقي ٻيا پليئر سنگل ڊجٽ ۾ رهيا. دشان همانٿا3، دشمانٿا چميرا 2، مهيش ٿيڪشانا، دنٿ ويلالاگي ۽ ڪمندو مينڊس هڪ هڪ وڪيٽ ورتي. سريلنڪا، آسٽريليا کي 8 وڪيٽن تان شڪست ڏئي سپر ايٽ لاءِ ڪوليفاءِ ڪري ورتو.
