ٽوڪيو(ويب ڊيسڪ)جاپان اليڪٽرڪ چپسٽڪس ٺاهيا آهن جيڪي کاڌي جي لوڻ واري ذائقي کي وڌائين ٿيون. پرڏيهي ميڊيا رپورٽن موجب جاپاني محققن ڪمپيوٽرائيزڊ برقي چپسٽڪس تيار ڪئي آهي جيڪي کاڌي ۾ لوڻ جي احساس کي وڌائين ٿيون،محققن جو چوڻ آهي ته انهن چپسٽن جو مقصد انهن ماڻهن جي مدد ڪرڻ آهي جن کي پنهنجي غذا ۾ لوڻ جي مقدار کي گهٽائڻ جي ضرورت آهي. رپورٽن مطابق اليڪٽرڪ چپسٽڪس جاپان جي ميجي يونيورسٽي جي پروفيسر هومي مياشيتا ۽ مشروب ساز ڪمپني ڪرين هولڊنگس جي سهڪار سان تيار ڪئي وئي آهي، جيڪا کلائي تي لڳل مني ڪمپيوٽر جي مدد سان کاڌي جي نمڪي ذائقي کي بهتر بڻائي ٿي. مياشيتا جو چوڻ آهي ته کلائي تي پائڻ وارو ڊوائيس هڪ ڪمزور برقي ڪرنٽ استعمال ڪري ٿو سوڊيم آئنز کي کاڌي مان وات ۾ چاپ اسٽڪ ذريعي منتقل ڪرڻ لاءِ، جتي اهي کاڌي ۾ لوڻ جو احساس پيدا ڪن ٿا. Miyashita جي مطابق، ان جي نتيجي ۾ کاڌي ۾ لوڻ جي ذائقي ۾ 1.5-گنا اضافو ٿيو.
